بەهۆی بەرزبوونەوەی ئاستی ئاو لە سنووری كەركووك، گەنجێك ئاو دەیبات و تا ئێستە چارەنووسی نادیارە.
ئەمڕۆ پێنجشەم 26ـی ئادار، پەیامنێرمان لە كەرووك پێی راگەیاندین، بارانبارینی شەوی رابردوو تا ئەمڕۆ، وایكردووە ئاستی ئاوی چۆم و رووبارەكان بەرز ببێتەوە.
زیاتر گوتی، پێشی نیوەڕۆی ئەمڕۆ لە گوندی (تەرجیل) لە شارەدێی (لەیلان)ی سنووری كەركووك، لافاو گەنجێكی بە ماتۆرسكیلەكەیەوە برد.
باسی لەوەش كرد، تا ئێستە چارەنووسی ئەو گەنجە نادیارە و خەڵكی بەدوای دەگەڕێن و تیمەكانی حكوومیشی لێ ئاگادار كراونەتەوە.