د. هاوار نەقشبەندی رای گەیاند، دروستبوونی نەخۆشیی شێرپەنجەی قۆڵۆن لە ژێر كاریگەریی چەندان هۆكاردایە، كە مێژووی خێزان و خۆراك ڕۆڵی بەرچاو دەگێڕێت.
د. هاوار نەقشبەندی پزیشكی پسپۆڕی نەخۆشییەكانی مەمك و غودە و كۆئەندامی هەرس و نازوور، لە نووسینێكدا ئاماژە بە كاریگەریی مێژووی خێزان و خۆراك لە دروستبوونی شێرپەنجەی قۆڵۆن دەكات و دەقی نووسینەكەی بەم جۆرەیە:-
دروستبوونی نەخۆشیی شێرپەنجەی قۆڵۆن لە ژێر كاریگەریی چەندان هۆكاردایە كە مێژووی خێزان و خۆراك ڕۆڵی بەرچاو دەگێڕێت.
مێژووی خێزانی شێرپەنجەی قۆڵۆن و ڕیخۆڵە (CRC) مەترسیی تووشبوون بەشێوەیەكی بەرچاو زیاد دەكات.
خزم و مەترسی پلە یەك: ئەو كەسانەی كە خزمێكی پلە یەكیان هەیە (دایك و باوك، خوشك و برا، منداڵ) شێرپەنجەی قۆڵۆنییان هەیە، مەترسیی تووشبوونیان بە نەخۆشییەكە دوو تا سێ هێندە زیاترە.
ئەو پسپۆڕە دەڵێت: خۆراك هۆكارێكی سەرەكییە بۆ تووشبوون بە شێرپەنجەی قۆڵۆن.
هەندێك خۆراك مەترسیی زیاد دەكەن، لە كاتێكدا هەندێكی تر كاریگەریی پارێزەر پێشكەش دەكەن.
ئەو خۆراكانەی كە مەترسیی زیاد دەكەن بریتین لە گۆشتی سوور و گۆشتی قوتوو: خواردنی گۆشتی سوور و گۆشتی قوتوو مەترسیی زیاد دەكەن.
خۆراكی دەوڵەمەند بە چەوری دەتوانێت هەوكردن و گەشەی گرێ بەرەوپێش ببات لە ڕێگەی زیادكردنی بەرهەمهێنانی ترشی زەرداو.
خۆراكی كەم ڕیشاڵ: مەترسی شێرپەنجەی قۆڵۆن زیاد دەكەن، كاربۆهیدرات و شەكر: وەرگرتنی شەكری زۆر دەبێتە هۆی بەرگری ئەنسۆلین و هەوكردنی درێژخایەن، كە ئەگەری هەیە بەشدار بێت لە شێرپەنجەی قۆڵۆن.