بە تێپەڕبوونی كات و چوونە ناو تەمەن پیاوان تووشی كێشەكانی پرۆستات دەبنەوە، لەو ئاوسان و هەوكردن و هیتریش، بەتایبەتی لە دوای 40 ساڵیدا، ئاوسانی ئاسایی پرۆستات یەكێكە لە كێشە بڵاوەكان و لە دیارترین نیشانەكانی سەختی لە میزكردن و زۆر چوونە دەبڵیو سییە بۆ میزكردن، جیا لە چارەسەری بە دەرمان، دەكرێ لە رێگەی خۆراكەوەش چەرەسەری بۆ ئەو حاڵەتە بێتە دانان.
توێژینەوە نوێكان ئاماژە دەكەن هەندێك جۆر خواردن و خواردنەوە هەن رۆڵێكی گرنگ لە پاراستنی تەندروستیی پرۆستان دەبینن و نیشانەكانی كەم دەكەنەوە لەوانە چوار جۆر خواردنەوە هەن:
یەكەم/ چاوی سەوز، كە لە بواری پاراستنی تەندروستی و چارەسەركردنی ئاوسانی رۆڵی گەورەی هەیە، ئەوەش بەهۆی گیراوەی كاتیشین و دژەئۆكسێنەری كە تیایدایە كە رێگری لە هەوكردنی درێژخایەنی دەكات، بۆیە خواردنەوەی رۆژانەی كووپێك یان دووان دەبێتە هۆی كەمكردنەوەی مەترسیی تووشبوون بە ئاوسانی پرۆستات.
دووەم/ چای ماچا، كە شێوەیەكی خەست و چڕی چای سەوزە و بەهۆی دژەئۆكسێنەر و كانزاكانی ناوییەوە هەوكردن لە لەش كەم دەكاتەوە و بۆ تەندروستیی پرۆستات باشە.
سێیەم/ چای كەركەدییە، دژەئۆكسێنەرێكی سروشتییە بۆ هەوكردن و پاراستنی رێڕەوی میز، پەستانی خوێن كەم دەكاتەوە و كاری جگەر باشتر دەكات و هەوكردن لە لەش كەم دەكاتەوە و پرۆستات دەپارێزیت.
چوارەم/ شەربەتی پرتەقاڵی فرێش، كە بە ڤیتامین سی دەوڵەمەندە و سیستمی بەرگریی بەهێز دەكات و بۆ تەندروستی خانەكانی پرۆستات باشە.