ب مەرەما خزمەتکرن و پاراستن و دیکیومێنتنکرنا خانیێن کەلەپوری یێن دەڤەردارییا ئاکرێ، هژمارەکا دەلیڤێن کاری هاتنە ڕاگەهاندن بۆ دەرچویێن زانکو و پەیمانگەهان.
د. بێکەس بریفکانی، رێڤەبەرێ شینوار و کەلەپورێ دهۆکێ بۆ "وشە" گوت، مە وەکو رێڤەبەریا شینوار و کەلەپورێ دهۆکێ دەست ب پروژەییەکێ نوێ کریە کو ئەو ژی دیکیومێنتکرنا خانیێن کەلوپور و شینوارێن دەڤەردارییا ئاکرێ یە.
زێدەتر گوت، ئەڤ پرۆژە ژلایێ رێڤەبەریا شینوار و کەلەپوورێن دهوک و ب هەڤپشکی ل گەل زانکویا دهوک و ب پشتەڤانیا پارێزگەها دهوکێ و رێڤەبەرییا شینوار و کەلەپوورێن ئاکرێ و دەڤەردارییا ئاکرێ و فەرمانگەهێن میری ل ئاکرێ یە کو ئەو ژی دکیومێنتکرنا خانیێن کەلەپووری یە ل ئاکرێ کر، تێچویا ڤی پروژەی ژی دێ ژلایێ رێکخراوا GIZ یا ئەلمانی بیت.
پروژێ دکیومێنت کرنا خانیێن کەلەپووری ل ئاکرێ دێبیتە پێنگاڤەکا گرنک بو پاراستنا ئاڤاهیێن کەڤنار و بیناسازیا وان و هونەرێن هاتینە ب کار ئینان و هەر وەسا پێنگاڤەکە بو ب کارئینانا بەشەکێ ڤان خانیان بو گەشەپێدانا کەرتێ گەشت و گوزاری و بوژاندنا کەرتێ ئابووری ل دەڤەرێ، دەلیڤا کاری دێ بۆ 45 دەرچویێن زانکۆ و پەیمانگەهان ب شێوەیێ دەمکی دابین کەت
ئاکرێ ئێک ژ وان کەڤنار و شەرستانی ترین دەڤەرداریین کوردستانێ یە و ب دوراتیا پتری 90کم دکەڤیتە باشوورێ روژهەلاتا دهۆکێ و پتری 250 هزار کەس تێدا دژین.