ئەڤرۆ د رێورسمەکێ دا ب ئامادەبونا وەزیرێ باژێرڤانی و گەشتوگۆزار یا حوکمەتا هەرێما کوردستان و پارێزگارێ دهوک، پرۆژێ مەسار یێ بەرمایک و گلێشێ رەق ل ناوچەییا کواشێ ل دهۆکێ کەفتەکاری.
دچارچوڤێ ڤەکرنا پرۆژەی دا پارێزگارێ دهۆکێ د.عەلی تەتەر گوت، جهێ خوشحالیێ یه کو دووباره گلێش دهێنه ڤاڤارتن ومفا ژهندهك بهرمایكا دهێته وهگرتن كو دووباره بهێته ب كارئینان دبیاڤێ پیشهسازی وچاندنێ دا، ئهڤ پروسه دخزمهتكرنا هاولاتیان و ژینگهها دهڤهرێ دایه چونكی گلێش و بهرمایك ب رێكهكا زانستی دهێنه چارهسهركرن ومفا ژێ دهێته وهگرتن.
زێدەتر گوت، كارگێریا پارێزگهها دهۆک ههموو پێرابونێن پێدڤی و یاسایی وهرگرتینه كو ههموو كارگهه وپارزینگههێن كواشێ دڤێت ل دوڤ پیڤهر وستاندهرتێن زانستی كار بكهن و دخوازین كو خودانێن وان پێگریێ ب رێنمایێن كاركرنێ بكهن دا نهكهڤنه بهرسزایێن یاسایی.
ل سالا 2011 كارگهها ڤاڤارتنا گلێشی بو دهڤهرداریێن دهوك وسێمێلێ ودهوروبهران هاتیه ئاڤاكرن وشیان ههنه رۆژانه 100-150تهنێن گلێشی ڤاڤێریت وچارهسهركهت، د نوکە دا بهرنامێ مهسار یێ ئێكهتیا ئهورۆپی ب رێیا ئاژانسا VNGیا نیڤ دهولهتی پتر ژ500 هزار دولاران خهرجكرینه بو نوژهنكرن وبرهفرههكرنا كارگهها ناڤبری دا باشتر خزمهتێ پێشكێشبكهت.