دارە واشنتۆنەكانی شەقامی 60 مەتری هەولێر خەریكە وشكدەبن كە نرخی هەر دارێك لەوانە لە 20 دۆلارەوە تا 10 هەزار دۆلار دەست پێ دەكات.
لە ماوەی چەند ساڵی رابردوودا، تەنیا لە هەولێر 800 داری جۆری واشنتۆن دانراون، بەڵام ئێستە بەشێك لەو دارانە دیمەنە جوانەكەی جارانی نەماوە.
بەڕێوەبەری ئەندازەی پاركەكانی هەولێر دەڵێ، بەهۆی ئەوەی كەلوپەلی پێویستیان لەبەردەست نییە ناتوانرێ بە تەواوی خزمەتی ئەو دارانە بكرێ.
هەرێمی كوردستان جگەوە لەوەی رێژەی سەوزای وەك پێویست نییە، بەڵام لە چەند ساڵی ڕابردوو حكوومەتی هەرێمی كوردستان هەموو هەوڵێكی داوە كە رێژەی سەوزایی زیاتر بكات، تەنانەت چەندان نەمانگەی تایبەت و بەرهەمهێنانی داری جۆراوجۆر كرانەوە كە تەنیا لە یەك جۆر دار 60 هەزار دار بەرهەمهاتووە و لە جۆرەكانی گوڵیش 200 هەزار بەرهەمهاتووە.