دەیان کەس لە په‌یژه‌كانی یاریگه‌یەکی ره‌گبی لە شاری سیدنیی ئوسترالیا کەوتنە خوارەوە و بریندار بوون، لە ئەنجامی داڕمانی به‌شێكی په‌یژه و په‌رژینی یاریگه‌كه.
له یارییه‌كی ره‌گبیدا، كه نێوان هه‌ردوو تیپی ریڤەرڤیۆ و سانت جۆزێف" له ئوستڕالیا كرا، 15 هەزار كه‌س ئاماده‌بوون، به‌ڵام له ناكاو لایه‌كی په‌یژه‌كانی یاریگه‌كه رووخا، به‌م هۆیه‌وه چه‌ند هانده‌رێك بریندار بوون.
کەناڵی "9News TV"ی ئوستڕالیا بڵاوی كرده‌وه "دەیان کەس لە یاریگه‌یەک لە سیدنی کەوتنە خوارەوە"، ئاماژەی بەوەش دا، رووداوەکە لە کاتی یارییەکەدا رووی داوە، به‌ڵام هه‌ردوو تیمی فریاگوزاریی پزیشکی گەیشتونەته شوێنی رووداوەکە و یارمەتی بریندارەکانیان داوه.