ژووری بازرگانی و پیشەسازیی سلێمانی رای دەگەیەنێت، لەلایەن وەزیری داراییەوە لێخۆشبوون بۆ ئەو كارگانە دەرچوو كە لە ماوەی رابردوودا باجیان نەداوە و تا 15 ڕۆژی تر بەردەوامی دەبێت.
تەنیا باجی یەك ساڵیان لێ وەردەگیرێت.
ئەمڕۆ دووشەم پێنجی ئەیلوول، لە راگەیەنراوێكی ژووری بازرگانی و پیشەسازیی سلێمانیدا هاتووە، ژووری بازرگانی و پیشەسازیی سلێمانی، ئاگاداری سەرجەم ئەو كۆمپانیایانە دەكاتەوە كە لە كاركردن وەستاون و ساڵانێكی زۆرە باجیان نەداوە، ئێستە لەلایەن وەزارەتی دارایی حكوومەتی هەرێمی كوردستانەوە، بڕیاری لێخۆشبوونیان بۆ دەركراوە و دەبەخشرێن لە باج، تەنیا باجی یەك ساڵیان لێ وەردەگیرێت.
باس لەوەش كراوە، ئەو بڕیارە لە كۆبوونەوەی وەزیری دارایی و ئابووری حكوومەتی هەرێم و ژووری بازرگانی و پیشەسازیی سلێمانی كە بەڕێوەبەری گشتیی باجی هەرێم ئامادەی بوو، داوا لە ژووری بازرگانیی سلێمانی كرا ئەو كۆمپانیایانە ئاگادار بكاتەوە كە ساڵانێكی زۆرە لە كاركردن وەستاون و باجیان نەداوە، سەردانی فەرمانگەی باج بكەن بە مەبەستی پاكتاوكردن، تەنیا باجی یەك ساڵیان لێ وەردەگیرێت.
روون كراوەتەوە، ئەم بڕیارە تا 20ـی ئەیلوول كاری پێ دەكرێت و بەهیچ شێوەیەك درێژ ناكرێتەوە.