وه‌زاره‌تی دارایی و ئابووری حكوومه‌تی هه‌رێمی كوردستان، خشته‌ی دابه‌شكردنی مووچه‌ی مانگی نۆی بڵاو كرده‌وه كه له رۆژی سێشه‌می داهاتوو، چواری ئۆكتۆبه‌ر ده‌ست به دابه‌شكردنی مووچه‌كه ده‌كرێ.
به گوێره‌ی خشته‌ی مووچه كه له‌لایه‌ن وه‌زاره‌تی دارایی و ئابووری حكوومه‌تی هه‌رێمی كوردستان بڵاو كراوه‌ته‌وه، سێشه‌می داهاتوو چواری ئۆكتۆبه‌ر ده‌ست به دابه‌شكردنی مووچه‌كه ده‌كرێ و یه‌كه‌م وه‌زاره‌تیش وه‌ك هه‌میشه وه‌زاره‌تی ته‌ندروستییه.
رۆژی دووشه‌می داهاتوو پشووی فه‌رمی ده‌بێت، ئه‌وه‌یش هۆكار بووه كه وه‌زاره‌ته‌كه رۆژێك دره‌نگتر له واده‌ی خۆی ده‌ست به دابه‌شكردنی مووچه بكات.