دەمەکە سوپایێ تورکیا ب پیادە بۆ دەڤەرا بەرواری بالال سنورێ دەڤەردارییا ئامێدیێ هاتیە و چەندین دەڤەرێن گرنگ دگیرکرنە، پشتی چونا پێشمەگەی بۆ ئێک ژ وان دەڤەران شینوارەکێ کەڤنار پاراست.
رێڤینگ هروری، ئەندامێ پەرلەمانێ کوردستانێ بۆ "وشە" گوت، جهێ داخێ یە چەندین دەڤەرێن دەولەمەند ب سامانێن سروشتی و شینواری و دارستان ژلایێ تورکیا ل دەفەرێن جودا یێن پارێزگەها دهوکێ ژڵایێ تورکیا هاتینەگرتن، پشتی کو هێزێن پێشمەگەی چوینە کەلها قومریێ و پاراستن ل سەر کری، ئێک ژ شینوارێن هەری گرنگ دبینن و دپارێزن و ئەگەر تورکیا گەهشتبا وێ دەڤەرێ بێگومان دا هێتە ژناڤبرن.
زێدەتر گۆت، ئەڤ شیوارە پێکدهێت ژ جوهنی و دەستە جوهنیە و باگوردانەکێ کو هەبونا وان دزڤریت بو دورێن 400-500 سالان بەری نوکە، کەلها قومری د تێکستێن مێژوی دا هاتییە، کەلا هرور یا بەرنیاسە ب کەلا قومریێ شوینوارەک دیروکیە هەرژکەڤ دا و هەتا سەردەمێ عەباسیا و میرنشینا بەهدینان حوکمرانی تێدا هاتیە کرن، مخابن ژبەر کاودانێن نەخوش رێڤەبەریا شوینوارێن دهوک نەشیایە خوە ل ڤان جها بکەتە خودان، ئەگەر پێشمەرگە نەچوبانە سەرێ کەلها قومریێ دویر نەبو کەتبا دبن کونترولا لەشکرێ تورکیا دا چونکی تورکیا ئەو چیایێن نێزیکی کەلهێ چەپەرێن خوە یێن داناینە و ل زور جهێن دن ژی شوینوار کەتینە دبن کونترولا وان دا.
گوندێ هرور دکەڤیتە سەر سنورێ باکورێ کوردستانێ و هەرێما کوردستانێ، گوندەکێ سنوری یە و تورکیا ل سنورێ گوندی خالەکا خوە دانایە، روژانە شەر و ئالوزی ل دەڤەرێ هەنە.