وەکو نەریتەکێ هونەرێ سینەمایێ یێ سالانە، ئەڤ سالە ژی دێ گەڕا نەهێ یا فلمە ڤەستیڤالا دهوک یا نیڤدولەتی ب پشکداریا هژمارەکا زۆر ژ فلم و کورتە فلم و فلمێن دیکیومێنتاری یێن نافخوە و بیانی هێتەکرن.
حەسەن فەتاح، پەیڤدارێ رێڤەبەریا گشتی یا ڕەوشەنبیری و هونەری ل پارێزگەها دهۆکێ بۆ "وشە" گۆت، ئەڤ سالە ژی مینا سالێن بەرێ دێ گەڕا نەهێ یا فلمە ڤەستیڤالا دهۆک یا نیڤدەولەتی ب پشکداریا دەهان فلم و کورتە فلمو فلمێن دیکیومێنتاری یێن کوردی و بیانی دێ ل رۆژا 1-12-2022ێ دەستپێکەت.
زێدەتر گۆت، د فەستیڤالێ سێ فلمێن دیكیۆمێنتاری كو دناڤا وان دا دوو فلمێن درێژ بۆ جارا ئێكێ ل سه‌ر ئاستێ عێراقێ دێ هێنه نیشاندان، پێنج فلمێن كورت ژی بۆ جارا ئێكێ ل سه‌ر ئاستێ جیهانێ دێ هێنه نیشاندان، چیرۆكێن وان فلمان جودانه گرێدایی بابه‌تێن ژینگه‌هێ و كه‌یسێن دیرۆكی و جڤاكی كو گرێدان ب ناسناما كوردی ڤه هه‌یه، هه‌روه‌سا 12 كورته فلم ژی د پرۆگرامی دا هه‌نه، ژ فلمێن دیكیۆمێنتاری یێن درێژ فلمێ (cobekitepe residents ) كو ل سه‌ر ئاستێ جیهانێ ناڤداره، دیسان ژ فلمێن دیكیۆمێنتاریێن كورت، ده‌رهێنه ئالا هشیار ب فلمێ (ناڤێ من دیكانه) پشكداره كو بۆ جارا ئێكێ یه ل سه‌ر ئاستێ جیهانێ دێ هێته نیشاندان، كو فلم ل كوردستانێ و عێراقێ ل سالا 2022ێ هاتیه به‌رهه‌مئینان، فلمێ WANDERING SETAR) یێ ده‌رهێنه‌ر محه‌مه‌د فه‌ره‌ج زاده كو ل كوردستانێ و ئیرانێ ل سالا 2022ێ هاتیه به‌رهه‌مئینان بۆ جارا ئێکێ دێ هێتە نیشان دان.
ناڤبری دیارکر ژی کو فلمێ بۆ جارا ئێكێ ل سه‌ر ئاستێ عیراقێ دێ هێته نیشاندان THE WORLD IN MY HEAD و گۆت ژی، فلمێ AHONE IS BETTER ژ سیناریۆ و ده‌رهێنانا رێكار بارزان نه‌جمه‌دین و فلمێ THE BIG TREE ژبه‌رهه‌مێ وه‌زاره‌تا ره‌وشه‌نبیریا حكومه‌تا هه‌رێمێ و فلمێ المراه المكیسوره ژده‌رهێنانا ئه‌ندام كه‌ریم و فلمێ cudi the wishes و فلمێ ifv ژ ده‌رهێنانا سامیه ئه‌حمه‌د سال ژ به‌رهه‌مئینانا كوردستانێ و فلمێ لۆران ژ ده‌رهێنانا شهاب نسیری و فلمێ حب فی زمن الكورونا و فلمێ recasted ژ ده‌رهێنانا روال ناڤ گۆندی و فلمێ synthesis یێ محه‌مه‌د تورافیریان و فلمێ tpoo ژ ده‌رهێنانا محه‌مه‌د ده‌روێش و فلمێ the wind giri یێ دانا كه‌ریم و فلمێ tune of the wind ژ گرنگترین وان فلمانن کو دێ د فەستیڤالێ دا هێنە نیشاندان.