کچەکا باژێرێ دهۆکێ تووشی نەخۆشیەکێ بویە و نوژدار ماینە حێبەتی ژبەرکو ل رۆژهەلاتا ناڤەراست ئەو تنێ تووشی ئەو جورێ نەخۆشیێ بویە.
نەزیر نهێلی، بابێ وێ کچێ بۆ "وشە" گۆت، دەمەکە کچا من بناڤێ هێلین توشی نەخۆشیەکێ بویە و نوژدار دبێژن فلتەرێن هەناسەدانا وێ وەکو پێدڤی کارناکەن، ل رۆژهەلاتا ناڤەراست و عیراقێ ژی تنێ کچا من ئەڤ جورێ نەخوشیێ هەیە.
زێدەتر گوت، وەکو خێزانا وێ دشیانێن مەدا نینن چارەسەر بکەین ژبەرکو ب گورەی راپورتا نوژداری 14 دەفتەرێن دولاری پێدڤی هەیە و ل کوردستانێ چارەسەری نیە بەلکو ل ئەورۆپا هەیە.
مە ب رێیا تورێن جڤاکی هەوەکا کومکرنا هاریکاریان بۆ هێلینێ کریە
میرخان قەهرەمان، سەرۆکێ گروپەکێ خێرخوازی یە کو ب ئەرکێ کومکرنا هاریکاریان بۆ هێلینێ رابوینە بۆ "وشە" گۆت، مە ب رێیا تورێن جڤاکی هەوەکا کومکرنا هاریکاریان بۆ هێلینێ کریە، هەتا نوکە پتری 60 ملیون دینارێن عیراقی کومکرینە، هەر چەندە پارێ پێدڤی نەهاتیە کومکرن، بەلێ ئەڤ پارە دێ بوشاییەکێ ژ چارەسەریا وێ پرکەت، دیسان دێ خانیێ ئەو تێدا کو خانیەکێ زێدەگاڤی یە پشکەک ژ وێ نوژەن کەین.
هێلین د ژیێ 21 سالی دایە و گەرەکا گەلی ل دهوکێ دژیت، هەتا پولا 11ێ خاندیە، پاشان ژبەر نەخوشیێ خواندنێ دهێلیت، نوکە ل مال رونشتیە.