وەزارەتا بازرگانیا عیراقێ بێی ئاگەهداریا ئاوارە و رێڤەبەریا گشتی یا ئاهێن خوارنێ ل پارێزگەها دهۆکێ ناڤێن 11473 خێزانێن ئاوارە ل سنورێ پارێزگەها دهۆکێ ژێبرن وئێدی چوو ئاهێن خوارنێ بو ناهێت.
ژێدەرەکێ ل رێڤەبەریا گشتی یا ئاهێن خوارنێ ل پاڕێزگەها دهۆکێ بۆ "وشە" گۆت، ب بریارا وەزارەتا بازرگانیا عیراقێ بێیکو ئاگەهداریا رێڤەبەریا گشتییا ئاهێن خوارنێ و خەلکێ ئاوارە ل سنورێ پارێزگەها دهۆکێ بکەت، ناڤێن 11 هزار و 473ێ خێزانێن ئاوارە کو ل سنورێ پارێزگەها موسل وەکو ئاوارە هاتینە پارێزگەها دهۆکێ هاتنە ژێبرن و پێکدهێن ژ 57 هزار و 597 کەس ل کورد و عەرەبان وپرانیاوان ل دەڤەرێن باشوک و بەحزان و دەوروبەر بوون.
زێدەتر گۆت، ب گورەی بریارێ وەکو رێڤەبەری نەچارین دیڤ بریارا وان بچین، ئەڤێ یەکێ زیان بۆ خەلکی هەیە، مە هەموو سازیێن پەیوەندیدار یێن حوکمەتا هەرێما کوردستانێ ئاگەهدارکرینە داکو مافێ وان نەهێتە خوارن.
ل سنورێ پارێزگەها دهوکێ پتری ملیونەکا ئاوارە وپەنابەران هەبون، د نوکە دا پتری 500 هزار ژ وان ماینە و هندەک ژی ڤەگەریانە جهـ و وارێن خوە.