ب مەرەما پێشخستنا کەرتێ چاندنێ و مفا وەرگرتن ژ تەکنولوژیا سەردەم، حوکمەتا هەرێما کوردستانێ ب رێیا وەزارەتا چاندن و ژێدەرێن ئاڤێ دێ پروژێ AGRO TECH یێ تەکنۆلۆژیا چاندنێ ل زاخۆ هێتە چێکرن.
گوهدار شێخۆ، سەرپەرشتێ ئیدارا سەربخوەیی یا زاخۆ دیارکر کو پرۆژێ AGRO TECH یێ تەکنۆلۆژیا چاندنێ ئێک ژ پرۆژێن هەری گرنگ یێن حوکمەتا هەرێما کوردستانێ یە کو ل زاخۆ دێ هێتە چێکرن و گۆت، د بەرنامە و کارنامەیا مەسروور بارزانی، سەرۆکێ حکومەتا هەرێما کوردستانێ د بوارێ چاندنێ و ڤەژاندنێ ئێکە ژ خالێن سەرەکی و کار زۆر رژدی تێدا دهێتە کرن، پرۆژە دێ ل سەر رووبەرێ هزار دۆنەمێن ئەردی ل سنۆرێ ئیدارا سەربخوەیی یا زاخۆ هێتە چێکرن و دەلیڤێن کاری ب شێوێ وەرزی بۆ هژمارەکا زوور ژ جوتیاران دێ پەیدا کەت و گرنگیێ دێ دتە کەرتێ چاندنێ و پێشئێخستنا وێ ل دەڤەرێ.
زێدەتر گوت، کۆژمێ پارێ بۆ هاتیە تەرخانکرن دبیتە چوار ملیار و 305 هزار دیناران و دێ ژلایێ کۆمپانیا NRCO ڤە هێتە بجهئینان.
پرۆژە پێکدهێت ژ سیستەمەکێ گرنگ یێ تەکنولوژیایی بۆ مفا وەرگرتن ژ کەرتێ چاندنێ و چەند رۆژێن بهێت دێ دەست ب چێکرنێ هێتەکرن.