پشتی روودانا چەند روژێن بوری، ئەڤە ئێکەم پروژەنە کو دێ ل پارێزگەها دهۆکێ ب بریارا پارێزگارێ دهۆکێ ب کوژمێ پتری شەش ملیار و 171 ملیون دیناران ل دەڤەرێن جودا هێنە دروستکرن
د. عەلی تەتەر، پارێزگارێ دهۆکێ گۆت، هژمارەکا پرۆژان ب کوژمێ پتری شەش ملیار و 171 ملیون دیناران هاتنە رەونەکرن بو بجهئینانێ و دێ ل دەفەرێن جودا یێن سنورێ پارێزگەها دهۆکێ هێنە دروستکرن ب تایبەتی دوارێ قوتابخانە و رێک و بانان دا.
پارێزگاری ل بارا جور و ناڤێن پرۆژان گوت، پروژێ ئاڤاكرنا ئاڤاهیێ 18 رێزی ل ناوچەداریا كه‌له‌كچی یا سەر ب قه‌زا شێخان ب كوژمێ (1.591.265.000) ملیارەک و 591 ملیون و 265 هزار دیناران، پروژێ ئاڤاكرنا قوتابخانا 18 رێزی ل مالتا ئیسلام ل قه‌زا دهوكێ ب كوژمێ (1.451.115.000) ملیارەک 451 ملیون و 115 هزار دیناران، پروژێ ئاڤاكرنا ئاڤاهیێ 18 رێزی ل گوندێ ئێمینكێ یا سەر قه‌زا دهوك ب كوژمێ (1.593.309.500) ئێك ملیارەک و 593 ملیون و 309 هزار دیناران، دیسان پروژێ چێكرنا قوتابخانا 12 رێزی ل گوندێ دوسته‌ك ل قه‌زایا به‌رده‌ره‌ش ب كوژمێ 488 ملیون و 825 هزار دیناران، پروژێ چێكرنا قوتابخانا 12 رێزی ل گوندێ كانیلان ل قه‌زا به‌رده‌ره‌ش ب كوژمێ 518 ملیون و 581 هزار دیناران.
پارێزگاری زێدەتر گۆت، دابینكرنا 28 ترومبێلێن جورێ مینی پاس بو كرێ بو ڤه‌گوهاستنا فه‌رمانبه‌ر و قوتابیێن سه‌نته‌رێ ئوتیزم و ده‌نگ و چوار په‌یمانگه‌هێن كێم ئه‌نداما کو ئە ژی هانا-هیوا-ئاوات-روناهی یێن سه‌ر ب رێڤه‌به‌ریا چاڤدێری و گه‌شه‌پێدانا جڤاكی لدهوكێ بكوژمێ (17 ملیون .220 هزار دیناران، پروژێ گوهورینا سوفت ستارته‌رێن پروژێ ئاڤا دهوك - وێستگه‌ها سێمێلێ یا كه‌ڤن و دابینكرن و دانانا بوریێن تورا ئاڤێ لسه‌نته‌رێ باژێرێ دهوكێ بكوژمی (512 ملیون 700 هزار دیناران.
دهۆک، نەوزاد هلۆری: