بەهۆی سیاسەتە ناڕوون و ناسەقامگیرەكانی هەندێك لە سەرانی یەكێتی نیشتمانیی كوردستان، بێزاری و بێئومێدبوونی كادیرەكانی ئەو حزبە روو لە هەڵكشانە، لەو ناوەدا رائید بارزان مام والی، كوڕی سەرۆك هۆزێكی جاف و ئامۆزای عەتا سەراوی و ئەفسەر لە هێزەكانی حەفتا، هاتە ناو پارتی و دەڵێت ئەو كارەی بە قەناعەتەوە كردووە.
بارزان مام والی بە "وشە"ی گوت، بوونم بە پارتی راستە و چەند رۆژێكە پێوەندیم بەو حزبەوە كردووە، هەروەها ئەمە تەنیا بۆچوون و بیروباوەڕی خۆمە كە وای كرد بێمە ناو پارتی و هیچ گوشار یان هۆكاری تر نییە.
زیاتر گوتی، سەردانی مەزاری نەمران دەكەم و هەواڵی دامەزراندنی 40 كەسیش لەگەڵم، دوورە لە راستییەوە و من هیچم ناوێت، دووپاتی كردەوە، من بۆ دامەزراندن و پارە و مادە نەبووم بە پارتی، بەڵكو تەنیا بیروباوەڕ و قەناعەتی خۆمە.
شایەنی باسە بارزان مام والی، كوڕی سەرۆك عەشیرەتی یووسف جانی جافە و لە هێزەكانی حەفتا پلەی رائیدە، ئامۆزای عەتا سەراوی ئەندامی سەركردایەتی یەكێتی نێشتمانیی كوردستانە و پێگەیەكی بەهێزی لە ناوچەی شارەزوور و سەیدسادق هەیە .