ل هەرێما کوردستانێ و پارێزگەها دهۆکێ ژی یەکەیێن ئاکنجیوونێ ل پارێزگەها دهۆکێ د زێدەوونێ دانە، ئەڤێ یەکێ خواستا خەلکی بۆ زورترین خزمەتگۆزاری و کێمترین بها زێدەکریە، د نووترین لیست دا سەرجەم یەکەیێن ئاکنجیوونێ ل پارێزگەها دهۆکێ بهایێ خزمەتگۆزاریێن یەکەیێن خوە کێمکرن.
ئەندازیار رەزڤان نەبی، سەرۆکێ پشکا خزمەتگۆزاریێن یەکەیێن ئاکنجیبوونێ ل رێڤەبەریا گشتی یا وەبەرهێنانێ ل پارێزگەها دهۆکێ بۆ "وشە" گۆت: (مە وەک رێڤەبەریا گشتی یا وەبەرهێنانێ ل پارێزگەها دهوکێ لژنەیەکا تایبەت بۆ دیفچوون و دانانا ئاست و نرخێ خزمەتگوزاریان ل پڕۆژەیێن ئاکنجیبوونێ دانایە و دماوێ بووریدا کارەکێ ژهەژی و تێروتەسەل هاتەکرن بۆ هندێ نرخەکێ گونجایی بەرامبەر وان خزمەتگوزاریێن کو ل پڕۆژەیێن ئاکنجیبوونێ دهێنە پێشکێشکرن بهێتەدانان، سوپاس بۆ خودێ لژنەیا ناڤبری هەلسەنگاندن بۆ خزمەتگوزاریێن هەموو پڕۆژەیان کرییە و ل دویڤ لیستەکێ نرخێ خزمەتگۆزاریان ل هەر پڕۆژەیەکێ یێ نوو هاتیە دیارکرن ل گەل کێمکرنا بهایێ وان).
زێدەتر گوت: (ئەڤێ کێمکرنا بهایی چوو پەیوەندی ب بابەتێ ئەردهەژان و گورانکاریێن کەشوهەوایی نیە، بەلکو ئەڤ بهایە سالانە دهێنە نووکرن، خەلک پتر نوکە گرێدایی خزمەتگۆزاریێن هەری باش و کێمتر دچیت و خواستا وان ل سەر هەیە، ئەڤ خزمەتگوزارییە ژ هەموو وان پروژێن یەکەیێن ئاکنجیبوونێ بخوڤە دگریت کو ژلایێ رێڤەبەریا گشتی یا وەبەرهێنانێ ل پارێزگەها دهوکێ و رێڤەبەریا گشتی یا باژێرڤانیان ل پارێزگەها دهۆکێ و سەرۆکاتیا باژێرڤانیا دهوکێ دهێنە سەرپەرشتیکرن).
ب گورەی لیستا نوو خزمەتگۆزاریێن یەکەیێن ئاکنجیبوونێ یێن نوو دناڤبەرا 3% بو 59% نرخ و بهایێن وان هاتینە کێمکرن، ب رەنگێ ل خوارێ.