ب هەلکەفتا 18ێ شوباتێ، سالروژا دامەزراندنا ئێکەتیا لاوێن دیموکراتا کوردستانێ، ب مەرەما پەیداکرنا دەلیڤێن کاری، سوبەهی ئێک ژ مەزنترین پێشانگەهێن دەلیڤێن کاری بۆ لاوان ل دهۆکێ بهێتە ڤەکرن.
کاوار ڕەسول نێڕوەیی، بەرپرسێ مالا لاوان ل دهۆکێ بۆ "وشە" گۆت، ب هەلکەفتا 18ێ شوباتێ، مالا لاوان دێ کوربەندێ خوە یێ دوویێ لژێرناڤێ بزاڤێن کەرتێ گشتی و تایبەت بو نەهێلانا بێکاریێ ئەنجام دەت، دیسان ب مەرەما پەیداکرنا دەلیڤێن کاری بۆ گەنج و لاوان و کێمکرنا رێژا بێکاریێ هەر دچارچوڤێ کوربەندی دا، دێ ئێک ژ مەزنترین پێشانگەهێن دەلیڤێن کاری ل پارێزگەها دهۆکێ هێتە ڤەکەت.
زێدەتر گۆت، دپێشانگەهێ دا هژمارەکا زۆر یا کومپانیان پشکدارن و ب رێیا CV گەنج و لاو و دەرچویێن زانکو و پەیمانگەهان دێ هێنە وەرگرتن و ل دەڤ خوە دەنە کاری، لەوا داخوازێ ل خودانکار و کومپانیان ژی دکەین پشکداربن بو هندێ زورترین دەلیڤێن کاری بو لاوان بهێنەدان، دیسان هەر د چارچوڤێ کوربەندی دا دێ پەنەلێن تایبەت هەبن ل سەر بزاڤێن کەرتێ گشتی و تایبەت بو چارەسەرکرنا بێکاریێ ل کوردستانێ ب گشتی و پارێزگەها دهۆکێ ب تایبەت، کەسانێن شارەزا و تایبەتمەند دێ بەحس ل ئەگەر و کارتێکرن و چارەسەرکرنا رەوشا کاری و بێکاریێ کەن.