دەڤەرا ئاكرێ ب چاندنا نێرگزا بناڤو دەنگە و سەدان كەس ب فروتنا نێرگزا داهاتەكێ دەستخوڤە دئینن، بەلێ ئەڤ سالە بازاڕێ وان كێمە، پرانیا نێرگزا ئاكرێ ل سەر جاددەیێن گشتی دهێنە فروتن.
نەزار زێباری، وەلاتیەكێ ئێك ژ گوندێن سەر ب ناحیا دینارتێ یە بۆ "وشە" گۆت، من ل مال هژمارەكا زۆر یا نێرگزا هەنە و هەر سال دڤی وەرزی دا بەری بهار بهێت ئەم نێرگزێن خوە ژێڤە دكەین و ل بازار و جهێن گشتی و ل سەر جاددا د فروشینە خەلكی.
زێدەتر گۆت، ئەڤ سالە ژی مە نێرگز هەنە و مە دەست ب فروتنێ كریە، بەلێ بازارێ وان كێمترە، ژبەركو نێرگز زۆر بوینە و پرانیا خەلكی هەنە، دیسان رەنگە رەوشا داراییی یا خەلكی باش نەبیت
ناڤبری دیاركر ژی كو ئەگەر نێرگزا ئاگرێ بهێتە رەوانەكرن بۆ دەڤەرێن دن یێن عیراقێ دێ بهاییەكێ باشتر هەبیت و گۆت ژی، ئەم دەستە گولێن نێرگزا ب هزار دیناران دفروشین، هندەك جاران ژی دوو ب هزار دیناران، ئاریشا نێرگزێ ئەوە كو ژیێ وێ كورتە و ئەگەر زوو نەهێتە فروت ندێ خراپ بیت، لەوا ئەم ژی نێرگزا كێمتر لێڤە دكەین و د فروشین.
نێرگز ئێك ژ وان گولایە كو خەلك ژ بو جوانی و بێهنا وێ بكاردئینن، ل ڤان چەند سالێن بوری خەلك ل دەڤەرێن چیایی دئینن دەرێ و ل مالێن خوە دچینن، ژ روویێ ساخلەمی ڤە گرنگی یا خوە هەیە، پشكەك ژ خەلكی بو ناڤا گورستان و ل سەر گورێن حوشتڤیێن خوە دچینن، زێباری هوسا گۆت.
ل دەڤەرا ئاكرێ زورترین جور و شێوەیێن نێرگزا ل دەڤەرێن چیایی هەنە و كەشوهەوایێ وان زۆر گونجایە بۆ دروستبونا نێرگزا، ژلایەكێ دنڤە نێرگزا ئاكرێ ب رێیا رەها زێدە دبیت.
ئاكرێ، نەوزاد هلۆری: