ب مەرەما دابینکرنا خزمەتگۆزاریێن جودا ب تایبەتی چێکرنا رێیێن گوندان ب کوژمێ ئیک ملیار دینار هژمارەکا پرۆژان ل سنورێ ناحیا بامەرنێ دهێنە چێکرن.
میران بامڕنی، رێڤەبەرا ناحیا بامەرنێ بۆ گوت، ب مەرەما دابینکرنا پرۆژێن خزمەتگۆزاری ب تایبەتی دوارێ چێکرنا رێیێن نافخوە و گوندان دا، نوکە ل سنورێ ناحیا بامەڕنێ ب کوژمێ پتری ئێک ملیار دینار پرۆژە ل گوندەوارێن دەڤەرێ دهێنە چێکرن.
زێدەتر گوت، ئەو پرۆژێن دهێنە چێکرن پێکدهێن ژ، چێکرنا رێیێن سەنتەرێ ناحیا بامەرنێ ب کوژمێ 286 ملیۆن دیناران، چێکرنا رێیێن ناڤخوەیی ل هەر ئێک ژ گوندێن کانیکا، ئەرەدنا کریستییان و چەند گوندێن دی یێن دەڤەرێ ب کوژمێ نێزیکێ 400 ملیۆن دیناران، هەر دیسان چێکرنا جاددەیێن ناڤخوەیی یێن هەر ئێک گوندێن وەرمێل، غلبیش، بابیر و زێوا شێخ پیرموس ب کوژمێ نێزیکێ 427 ملیۆن دیناران.
پێشتر ژی چەندین پرۆژێن دن ل ناحیا ناڤبری هاتینە چێکرن، د نوکە ژی دا کار لسەر هێلا ئاڤێ یا پروژێ ستاتیجی دهێتەکرن کو دێ ئاڤ بۆ هەموو گوندەوارێن ناحیا بامەڕنێ هێتە دابیکرن.