گرنگیدان ب پرۆژێن حکومەتا هەرێما کوردستانێ، ئەڤرۆ ژی ب ئامادەبونا پارێزگارێ دهۆکێ، ب کوژمێ 11 ملیار دیناران بەرێ بنیاتی بو چەند پرۆژان ل سنورێ دەڤەرداریا سێمێلێ هاتە دانان.
ل دور پرۆژان وبەرنامێ ئاڤەدانکرنێ یێ نوو پارێزگارێ دهۆکێ گوت، ئەڤرو مە بەرێ بنیاتی بو کومەکا پرۆژێن خزمەتگوزاری ل سنورێ دەڤەرداریا سێمێلێ دانا ب گوژمێ نێزیکی 11 ملیار دینارا ئەڤ پرۆژە هەموو یێن سالا 2022ێ نە و ل سەر بودجا حکومەتا هەرێما کوردستانێ دهێنە ئەنجامدان هەروەسا ب هاریکاریا رێکخراوا GIZ یا ئەلمانی چەند پرۆژێن ئاڤ وئاڤ رێژا ل سنورێ دەڤەرداریا سێمێلێ ب گوژمێ دوو ملیار دینارا دهێنە ئەنجامدان وبو ساڵا نوو 2023ێ ژی دێ کومەکا دی یا پرۆژێن خزمەتگوزاری وەکو رێک وئاڤ وکاربە و پەروەردە و تەندورستی وکەرتێن دی دێ هێنە ئەنجامدان.
پرۆژە پێکدهێن ژ دانانا بەرێ بنیاتی بو ئاڤاکرنا قوتابخانەکا 18 رێزی ل تاخێ حەوشکێ ل سێمێلێ ب کوژمێ ملیارەک و585 ملیون دیناران، دانانا بەرێ بنیاتی بو سەخبێرکرنا رێکا گوندێ دولبا خارێ وکولانکا مەیدانکا فروشتنا ئاژەلی ب درێژیا 3کم وسەخبێرکرنا رێکا کومەلگەها باوەردێ ب کوژمێ 474 ملیون دیناران، دانانا بەرێ بنیاتی بو نوژەنکرن وبەرفرەهکرنا 30 قوتابخانا ل سنورێ دەڤەرداریا سێمێلێ ب کوژمێ 465 ملیون دیناران.
دیسان دانانا بەرێ بنیاتی بو چێکرنا رێکێن نافخویی وسولینا ل ناوچەداریا باتێلێ وکونکریتکرنا جادا ل بەرانبەرا ئاڤاهیێ ناوچەداریا باتێلێ و چێکرنا رێکێت نافخویی ل بەرانبەرا تەندورستیا باتێلێ و چێکرنا سولینەکا چارگوشە ل سەنتەرێ باتێلێ ودورستکرنا پارکا بازاری ل کومەلگەها مسێریکێ وچێکرنا رێک وسولینا ل ناڤ کومەلگەها مسێریکێ وچێکرنا رێکێت نافخویی وسولینا ل ناڤ کومەلگەها خانکێ ب گوژمێ ملیارەک و461 ملیون دیناران، دانانا بەرێ بنیاتی بو نوژەنکرنا چەند بیرێن ئاڤێ ل دەڤەرداریا سێمێلێ وپرۆژێن ئاڤێ ل گوندێ بوسریان وپرۆژێ پاڵدانا ئاڤێ ل مسێریکێ وکولانا چەند بیرا ل تاخێن تەناهی وحەوشکێ ب گوژمێ 908 ملیون دینارا ودانانا بەرێ بنیاتی بو چێکرنا وێستگەهێ پاڵدانا ئاڤێ ل تاخێ شەهیدان ل سێمێلێ وچێکرنا تورا ئاڤێ ل تاخێ موعەسکر دومیز ب گوژمێ 897 ملیون دیناران، دانانا بەرێ بنیاتی بو چێکرنا رێکێت نافخویی وسولینا ل تاخێ شەهیدا ل سێمێلێ ب گوژمێ 609 ملیون دیناران.