ب هەلکەڤتا سەرهلدانا باژێرێ زاخۆ، ئەڤرۆ بەرێ بناغەی بو چوار پرۆژان ل زاخۆ هاتە دانان کو د بوارێن جودا جودا دێ هێنە دروستکرن.
گوهدار شێخو، سەرپەرشتێ ئیدارا سەربخوەیی یا زاخۆ دیارکر کو ب هەلکەفتا سەرهلدانا باژێرێ زاخۆ ئەوان بەرێ بناغەی بو چەند پرۆژان ل زاخۆ دانا و گوت، پرۆژە پێکدهێن ژ دانانا بەرێ بنیاتێ بو پرۆژێ ئاڤاکرنا نەخوەشخانا زارۆکان، ل حەوشا نەخوەشخانا زارووکبوونێ، دانانا بەرێ بنیاتێ بو پرۆژێ بنگەهێ ساخلەمیێ سێمالکا، ل نێزیک قوتابخانا حەلەبچە و دانانا بەرێ بنیاتێ بۆ پرۆژێ جادا تلکەبەرێ سۆلین و ئاڤرێژێن وێ، ل نێزیک رێڤەبەریا گۆمرکا زاخۆ، دیسان دانانا بەرێ بنیاتی بۆ پرۆژێ چێکرنا باخچەیەکێ ل جادا ٣٠ مەتری ل سەر جادا رێڤەبەرییا رەوشەنبیری و هونەری.
زاخۆ ئێک ژ ئیدارێن سەربخوە یێن دەڤەرا بەهدینایە و ددەما سالەک و چەند هەیڤێن ژیێ خوە دا، پتری 60 پرۆژێن نوو هاتینە دروستکرن، چێکرنا پرۆژان ژی یا بەردەوامە.
د روژەکا وەکو ئەڤرۆ خەلکێ باژێرێ زاخۆ دەست ب سەرهلدانێ کر و شیان ددمەکێ کورت دا زاخۆ ژ بن زولم و،ستەما رژێما بەعس دەربینن و رزگار بکەن.