لە ئەنجامی رووداوێكی سەختی هاتوچۆ كە لە سەر رێگەی سەرەكی بەردەرەش - كەلەك رووی دا، كەسێك گیانی لە دەستدا و حەوتی تریش بریندار بوون.
ئەمڕۆ سێشەم 21ی ئاداری 2023 لە یەكەم رۆژی نەورۆزدا، لە ئەنجامی رووداوێكی هاتوچۆدا لە نێوان دوو ئۆتۆمبێل ژنێك بە ناوی "گولبەهار ئەمجەد" گیانی لە دەستدا و حەوتی تریش بریندار بوون.
بەپێی زانیارییەكانی "وشە" ئەو ژنەی گیانی لە دەستداوە لەگەڵ چوار لە بریندارەكان خەڵكی كۆمەڵگەی بشیریانن و سێ بریندارەكەی تریش خەڵكی گردەپانن.
رووداوەكە لە نێوان پیكابێكی بارهەڵگر و ئۆتۆمبێلێكی تایبەت لە جۆری ئۆپڵ روویداوە و بریندارەكانیش بەشێكیان رەوانەی بەردەڕەش و بەشێكیشیان بۆ چارەسەری رەوانەی هەولێر كراون.