ب مەرەما کومکرنا ئاڤێ بو چاندن و ڤەخوارنێ، کار ل سەر چێکرنا پرۆژێ سکرێ ئاڤێ یێ گەلیێ بەنداوا ل دەڤەرا سێمێلێ بەردەوامە، دبیتە سکرێ دوویێ ل کابینا نوو ل دەڤەرێ دهێتە چێکرن.
فەرهاد محەمەد تاهر، رێڤەبەرێ سکرێ دهۆکێ دیارکر کو کار ب شێوەییەکێ بەردەوام ل سکرێ گەلیێ بەنداوا ل سێمێل دهێتەکرن و گوت، د نوکە دا رەوشا کەشوهەوایی زۆر گونجایە و د شیاندایە کومپانیا جێبەجێکار پتر ژ شێفتەکێ کار لسەر چێکرنا سکرێ گەلیێ بەنداوا بکەن بو هندێ ب زوترین دەم داوی بهێت و بکەڤیتە دخزمەتا خەلکێ دەڤەرێ دا، سکرێ ناڤبری دبیتە سێیەم بەنداڤا بچووك ل سنورێ پارێزگەها دهوكێ كار تێدا تێتە تمامكرن، پشتی هەردوو سکرێن بەنداڤا خنس ل قەزا شێخان ب دوماهێك.
زێدەتر گوت، سکرێ بەنداوا ب كوژمێ نێزیكی حەفت ملیاران ل سەر بودجەیێ حوكمەتا هەرێما كوردستانێ و فەرمانا مەسروور بارزانی، سەروکێ حكومەتێ و وەزارەتا چاندنێ و ژێدەرێن ئاڤێ و پشتەڤانیا پارێزگەها دهوكێ و رێڤەبەریا گشتی یا بەنداڤا دێ هێتە تمامكرن، شیانێن قەبارەكرنا نێزیكێ شەس ملیون م3 یێت ئاڤێ هەنە و رێژا كاری ل ڤێ بەنداڤێ كو ل سالا 2015 هاتبو راوەستیان نیزیک 37% یە و ژلایێ كومپانیا زنار ئەردنیز دهێتە جێبەجێكرن و دووبارە بشێوەكێ بەرچاڤ ژلایێ فەرمانگەها ئەندازیاریا پروژێ كار تێتە كرن ئەندازیار و سەرپەرشتیار رێڤەبەریا بەنداڤا دهوكێ كار دكەن.
بەنداڤا ناڤبری دووەم سکرە ژلایێ کابینا نوو ل دەڤەرا سێمێلێ دهێتە چێکرن و تا رادەییەکێ باش دێ خزمەتا خەلکێ دەڤەرێ ژ چاندن و ڤەخوارنێ هێتەکرن.