سەرچاوەیەكی تەناهیی بە چەند میدیایەكی عێراقییان راگەیاندووە كە ئەمڕۆ لە شەقامەكانی بەغدا رێكلام و پۆستەری "لەزگە" لە چەند هێمایەكی هاتوچۆی شارەكە بینراون و تا ئێستە نازانرێ بكەرانی پشت كردەوەكە كێن.
ئەمڕۆ 15ی ئەیلوولی 2023 سەرچاوەیەكی تەناهی بە پێگەی "بەغداد یەوم"ی راگەیاند، لەسەر ئەو پۆستەرە لەزگەییانە نووسراوە " سوپای شێری سەدام حوسێن" و لە ناوچەی بەیاع بە ئاراستەی ناوچەی قودس لەسەر پردێكی شەقامەكە هەڵواسراوە.
سەرچاوەكە ئاماژەی بۆ ئەوەیش كردووە، ئەم رووداوە یەكەمجار نییە و بۆ دووەم رۆژە دووبار دەبێتەوە.
جێگەی باسە ئەم پۆستەرە لەزگەییانە بە رەنگی رەش دیزاین كراون و وێنەی سەدام و رستەی " سوپای شێری سەدام حوسێن"یش بە زەردی لەسەریان نەخشێنراوە.