كەشناسێكی ناوداری عێراقی ئەمڕۆ رای گەیاندووە، دیاردەی "نینۆ سوپەر" كاریگەریی تەواوی لەسەر دوورگەی عەرەبی دەبێت و بارانی پێشوەختە بەخۆوە دەبینێت، عێراقیش بەهەمانشێوە بارانی پێشوەختە و بەخوڕ بە خۆوە دەبینێت.
پێگەی "
شەفەق نیوز" ئەمڕۆ سێشەم 19ی ئەیلوول بڵاوی كردووەتەوە، عەلی جابر زیادی كەشناسی عێراقی پێشبینی كردووە، بەهۆی دیاردەی "نینۆ سوپەر" كە دیاردەیەكی كەشوهەوایە، كاریگەریی لەسەر نیمچە دوورگەی عەرەبی دەبێت و عێراقیش ئەمساڵ بارانی پێشوەختە و بەخوڕ بەخۆوە دەبینێت.
زیاتر بۆ پێگەكە گوتوویەتی، كەشوهەوای ئەمساڵ و بارانبارینێكی زۆر لە عێراقدا، دوو دەیە بەرلە ئێستە رووی نەداوە، بۆیە ئەمساڵ بارنی پێشوەختە و بەخوڕ تەواوی پارێزگاكانی عێراق و چیا و پێدەشتەكان دەگرێتەوە.
زیادی گوتی، دیاردەی "نینۆ سوپەر" ئەمساڵ كاتەكەی زوو دەبێت بەراورد بە دوو دەیە بەرلە ئێستە، كاریگەریی گەرمای ئۆقیانووسەكان و دەریای عەرەب و چەند هۆكارێكی تر، وا دەكەن ئەمساڵ بارانی پێشوەختە ببینین و بارانەكەیش بەخوڕ دەبێت.
دواتریش زیادی روونی كردەوە، گەشبینییەكی زۆر هەیە كە باران لە ناوەندی مانگی داهاتوو "تشرینی یەكەم" دەست پێ بكات و پێشبینی دەكەین زستانی ئەمساڵ باراناوی دەبێت. ئەوەیش تەواوی پارێزگاكانی عێراق دەگرێتەوە.