وەزارەتی بەرگری توركیا رای گەیاند، پێنج چەكداری پەكەكەیان لە چوارچێوەی هەڵمەتی "چنگ - قفڵ" لە كوردستاندا كوشتووە.
بەپێی بەیاننامەیەكی وەزارەتی بەرگری توركیا، ئەمڕۆ هەینی 1ی دیسێمبەری 2023، لە هەڵمەتی "چنگ - قفڵ"دا پێنج چەكداری پەكەكە بە فڕۆكەی بێ فڕۆكەوان لە هەرێمی كوردستان كوژراون.
وەزارەتی بەرگری ئاماژەی داوە، چارەنووسی چەكدارەكانی تری پەكەكەیش بەم شێوەیە دەبێت و كەسیان قورتاریان نابێت لە هەڵمەتەكە.
لە 17ی نیسانی ساڵی 2022 توركیا هەڵمەتی "چنگ - قفڵ"ی راگەیاند دژی رێكخستن و چەكدارانی پەكەكە لە ناوچەكانی مەتینا، زاب، ئەفشین و باسیان لە هەرێمی كوردستان.