بڕی سەعاتەكانی پێدانی كارەبای موەلیدە لە زۆربەی شار و شارۆچكەكان، بۆ مانگی شوبات دەركەوتووە و ئەمڕۆش ئەنجوومەنی موەلیدەكان لەبارەی نرخەكەی كۆ دەبنەوە.
ئەمڕۆ پێنجشەم 29ـی شوبات، بەپێی ئەو زانیارییانەی "وشە" دەستی كەوتووە، ئەمڕۆ ئەنجوومەنی موەلیدە ئەهلییەكان لە تەواوی شار و شارۆچكەكان، كۆ دەبنەوە و نرخی ئەمپێرێك كارەبای موەلیدە دیاری دەكەن.
ئەوەیش زانراوە، نرخی ئەمپێری موەلیدە بەراورد بە مانگەكانی تر هەرزانترە، چونكە نرخی سووتەمەنی كەم بووە و سەعاتی پێدانیش كەمتر بووە.
لە زانیارییەكاندا هاتووە، ئەنجوومەنەكان ئەمڕۆ نرخەكان دیاری دەكەن و لەگەڵ قایمقامی شارەكان كۆ دەبنەوە و بڕیاری كۆتایی دەدەن.
بەپێی زانیارییەكان، ئەم مانگە نرخی ئەمپێری موەلیدە هەرزانتر دەبێـ لەگەڵ مانگەكانی تر، لە تەواوی هەرێمی كوردستاندا نرخەكان لە نێوان نۆ بۆ 15 هەزار دینار دەبێت.