پشتی کو هەیڤا بوری بازاڕێ چەلێ ل دهۆکێ سوتی و زیان گەهشتینە نێزیکێ 250 دۆکانان، بریارە سوبەهی هەمو خودان بازاڕ بهێنە قەرەبوکرن.
د. عەلی تەتەر، پارێزگەها دهۆکێ دیارکر کو سوبەهی د رێوسمەکێ دا زیانڤێکەفتیێن بازاڕێ چەلێ ل دهۆکێ دێ هێنە قەرەبوکرن و گوت، بازاڕێ چەلێ هەیڤا بوری ب ئەگەرێ روودانەکێ سوتن و زیان گەهشتە چەندین دوکانان، لەوا هەرزو دوڤچون ل سەر زیانێن بازاڕی هاتەکرن و دێ هەموو هێنە قەرەبوکرن.
سوبەهی ل سەروکاتیا باژێرڤانیا دهۆکێ ب ئامادەبونا، پارێزگارێ دهۆکێ و خودان بازاڕان، هاریکاریێن دراڤی دێ ل سەر هەموو وان دوکاندار و زەرەمەندێن روودانا ئاگربەربونێ ل بازارێ چەلێ هێنە بەڵاڤکرن.
دیڤ زانیاریان هژمارا وان بازاڕان نێزیکێ 250 دوکانایە و ب گورەی زیان دێ قەرەبویا وان هێتەکرن.
بازاڕێ چەلێ ئێکٕ ژ بازاڕێن کەڤنە و ل گەل دروست بونا دهۆکێ هاتیە چێکرن.