رێڤەبەرییا شوینوار و کەلەپوورێن پارێزگەها دهۆکێ ب هەماهەنگی ل گەل زانکویا ئودینە یا ئیتالی شینوارێن هەردو شکەفتێن هەلامەتا ل چیایێ زاوا و چوار ستین ل کێلیا شەدا دپارێزیت.
د. بێکەس بریفکانی، رێڤەبەرێ رێڤەبەرییا شوینوار و کەلەپوورێن پارێزگەها دهۆکێ دیارکر کو رێڤەبەریا وان هەڤکاری ل گەل زانکویا ئودینە کار بۆ پاراستنا شنواران ل پارێزگەها دهۆکێ دکەت و گوت، د نوکە دا رەخ ورویێن شینوارێن شکەفتا هەلامەتا ل چیایێ زاوا ل دهۆکێ دهێنە پەرجانکرن و قەدەغەکرن و کار ب دوماهی هات کو ئەو ژی بەرچانکرنا شکەفتا هەلامەتا یان ژی شسنوارێ نەخشێ نکراندیێ مالتایێ.
زێدەتر گوت، درێژاهییا بەرژانی هزار و 60م ، ئەڤ پروژەیە ب پشتەڤانیا ئاژانسا ئیتالی یا هەڤکاری و گەشەپێدانێ AICS و بودجە ژلایێ وانڤە هاتیەتەرخانکرن, ل ژێر چاڤدێرییا رێڤەبەرییا گشتی یا شوینوار و کەلەپوورا هاتیە بجهئینان.
ناڤبری دیارکر ژی کو ئەڤ جهە ئێک ل بەشێن پارکا شینواری یا پارێزگەها دهوکێ و گوتژی، نەخشێ نکراندیێ هەلامەتا مالتای هاتیە نکراندن پشتی ب دوماهیک ئینانا پروژێ ئاڤدێریێ کو بۆ بەری دوو هزار و 700 سالان دزڤریت، ل ڤی نەخشی وێنێ حەفت خوداوەنا و دوو پاشایان هاتیە نکراندن، دیسان وێنێن ئاژەلێن پیروز یێ هەر خوداوەندەکی.
ژبلی شینوارێن هەلامەتا، هەڤدەم شینوارێن شکەفتا چوار ستین ژی ل بن چیایێ کێلیا شەدا ل دهۆکێ دهێتە نوژەنکرن، چەندین جهێن گۆزاری و پەرزان و جهێن ڤەحەویانێ دهێنە چێکرن بو هندێ دەمێ گەشتیار و وەلاتی سەرەدانێ بۆ دکەن، دەمەکێ خوش لێ بورینن ژبلی وەرگرتنا زانیاریێن مفادار.