ب مەرەما پێشڤەبرنا کەرتێ چاندن و وەبەرهێنانێ و پەیداکرنا دەلیڤێن کاری یێن پتر بۆ وەلاتیان، وەبەرهێنانا گشتی یا دهۆکێ چوار پرۆژێن وەبەهینانێ بۆ وەبەرهینەران پێشنیارکرینە کو ل شێخان بهێنە چێکرن.
د.هه‌ڤال سەدیق، رێڤەبەرێ رێڤه‌به‌ریا گشتى یا وه‌به‌رهێنانێ ل پارێزگه‌ها دهۆكێ دیارکر کو ئەو رێڤه‌به‌ریا گشتى یا وه‌به‌رهێنانێ ل پارێزگه‌ها دهۆكێ ئاگه‌هداریا هه‌مو وه‌به‌رهێنه‌ران و خودان سەرمایەیان دكه‌ت کو چوار پروژێن وەبەرهێنانێ ل شێخان هاتینە پێشنیارکرن و بۆ "وشە" گوت، پارچه زه‌ڤیێن وان چوار پرۆژان ل به‌رده‌ستن و به‌رهه‌ڤن بو وه‌به‌رهێنانێ، هه‌ر وه‌به‌رهێنه‌رێ شیان هه‌بیت بۆ وه‌رگرتن و ئاڤاكرنا ئێك ژ وان پرۆژان ب رێیا وەبەرهێنانێ ل دیڤ یاسایا وه‌به‌رهێنانێ یا ژماره 4 یا سالا 2006 . بلا سه‌ره‌دانا رێڤه‌به‌ریا مه یا گشتى ل دهۆك بكه‌ت بۆ پێشكێشكرنا داخازیا خوە و وەرگرتنێ.
زێدەتر گوت، ئەو پڕۆژێن پێشنیار كرین کو دێ ل ده‌ڤه‌را شێخان هێنە چێکرن پێکدهێن ژ پروژێ دروستكرنا موله‌كا هه‌ڤچه‌رخ شێخان لسەر رووبەرێ 16 دونمێن ئەردی، پروژێ دروستكرنا پاركا شێخان یا گوزارى ل سەر رووبەرێ 53 دونمێن ئەردی، هەردیسان پروژێ دروستكرنا كلینكێن نوژداری ل شێخان ل سەر رووبەرێ دوو دونەمێن ئەردی، پرۆژێ چوارێ ژی پێکدهێت ژ پروژىێن ئاكنجیبوونێ یێن ستونى ل شێخان ل سه‌ر رووبه‌رێ 40 دونمێن ئه‌ردى.
رێڤەبەرێ رێڤه‌به‌ریا گشتى یا وه‌به‌رهێنانێ ل پارێزگه‌ها دهۆكێ دیارکر ژی کو بەری چەندەکێ ئەڤ رێنمایێن ل خوارێ هاتبونە بەلاڤکرن بۆ وەبەرهینەران و گوتژی، وه‌به‌رهێنه‌ران پڕۆپۆزه‌ل و سایت پلان و نه‌خشەیێن ئه‌ندازیاری پێشكێش کربن بو وەرگرتنا پرۆژان، دیسان وه‌به‌رهێنه‌ر ماوێ جێبه‌جێكرنێ و ماوێ بدوماهیك ئینانا پڕۆژه‌ى ده‌ست نیشان کربن و پێشتر ژی كار و جالاكیێن هه‌ڤشێوه هه‌بن و شیانیێن خوە یێن دارایى بۆ جێبەجێکرنا پڕۆژێ ناڤبری دیار بکەت، دیسان پابەند بیت ب دانا 1%ێ یا سەرمایێ پڕۆژەی بو پروژێن بازرگانى، گه‌شتیار و خزمه‌ت گوزارى، 1.5% ژ سەرمایێ پڕۆژەی بو پروژێن ئاكنجیبونێ وەک كریا خزمەتگوزاری كریا په‌ره‌پێدانا ودروستكرنا پارك و كه‌سكاتى ل هه‌رێما كوردستنانێ، ب گورەی یاسا و رێنما.
بریارە ل نێزیک کونفرانسەکا وەبەرهێنانێ ل دەڤەرا ئاکرێ و بەردەڕەش بهێتەکرن بو دانا دەرفەتێن پتر یێن دەلیڤێن کاری و چێکرنا کار وپرۆژان ل دەڤەرێ.