فەرمانبەرەک ل ئێک ژ فەرمانگەهێن سنورێ پارێزگەها دهۆکێ ب رەنگەکێ جیاواز قەر ژ وەڵاتیان کرینە، ب کرنا قەرەکێ نوێ، خوە ژ قەرەکێ کەڤن رزگار دکەت، ب گوتنا وی هەتا نوکە قەر و قست ژ پتری 90 کەسان کرینە، تشتێ دلخوش ئەوە پارێ کەسێ ناخوت، بەلێ بارێ خوە گران کرییە و دبێژیت، هندی موچە نەهێن ئەز ئارامم، چونکی دەمێ موچە دهێت ئەوێن من قەر ژێ کری مووچەی ژ من وەردگرن.
ئازاد ئارام، ناڤەکێ خواستی یە و مە بو وی فەرمانبەری دانایە، ئێکە ژ فەرمانبەرێن هەری دلسوز د ئەرک و کارێ خوە و توشی روودانەکا هەری سەیر بویە ل جیهانێ و کوردستانێ و دبێژیت، ئێکەمجار ئەڤ حالەتێ سەیر و نەخواستی دزڤریت بو بەری چەند سالان، دەمێ ئەز پێدڤی ب هندەک پارا بوی و من ژ کەسەکێ قەر کرین، دەمێ من نەشیایی قەری بدەم و خودانێ قەرا پارێن خوە خواستی، نەچاربوم بچم ژ کەسەکی دی قەرا بکەم و وان پارا بدەم قەردارێ دی، دەمێ بویە دەمێ دانا قەرێن کەسێ دوویێ، نەشیام یێن وی ژی بدەم، نەچاربوم بچم ژ کەسەکێ دی قەرا بکەم دا قەرێن وی بدەم، هوسا و بڤی رەنگی ژ کەسەکێ قەر دکەم و ددەم قەردارێ بەرێ، هەتا نوکە کەسێن من قەر ژێ کرین ژ 90 کەسان بوری یە.
زێدەتر گوت، هندەک جارا من ژ کەسەکێ قەرکربون و نەشیام بدەم، کەس نەبوو قەرا ژێ بکەم داکو پارێن قەرێن دی پێ بدەم، نەچاربوم بچم تشتەکێ ب قست بکرم و پاشی وی تشتی بفروشم ب ئەرزانی و پارێن قەرداری بدەمێ، بەلێ ل ڤێرە قستێن دۆکانداران ل سەر من زێدەبون، زێدەباری قەرێن خەلکی، هوسا قستێن دکانداران ژی لسەر من بونە زور و گەهشتن پتری 20 قستان، هندەک هەیڤا ئەز پێدڤی ب پارەکێ زور و نەکێمتر ژ 20 وەرەقامە هەتا بشێنم قەر و قستان بدەم، چونکی ژ دوکانەکێ من قست کرن، قستێن دۆکانا دی پێ ددان، لەوا نوکە بارێ من زور گران بویە و سەرێن رێیا ل بەر من بەرزەبویە و نوزانم چ بکەم.
کەسێ نافخواستی دیارکر ژی کو ئەو ب هیچ شێوەیەک پارێن خەلکی ناخوت و بەرهەڤ ژی نیە ئێک دینارا قەردار و قستێن خوە ب تەشقلینیت و گوت ژی، ئێکەم فەرمانبەرم کۆ حەز ناکەت موچە بهێن، خودێ دیدەڤانە دەمێ مووچە دهێت تەزینک ب من دکەڤن و دەست و پێن من دلەرزن و خوە دگەهینمە نەخۆسخانا ئازادی و ل سەر تەختی دهێمە نڤاندن و ب ئاڤا سێلانێ دژیم، چونکی دەمێ دبیتە روژا مووچەی زەنگا مۆبایلا من ناراوەستیت و هەر جار ژی جامێرەکە و دبێژیت مووچە هات و قەر و قستێ من بینە، نوکە دنیا یا ل بەر من بەرزە بوی و نوزانم چەوا ئاریشا خوە چارەسەر بکەم.
هەتا نوکە هەوارا خوە گەهاندیە چەندین کەسان ژ پارێزگاێ دهوکێ و سەرپەرشتێ ئیدارا زاخۆ و پتریا بەرپرسێن دهۆکێ و کەسانێن خودان شیان کو چارەسەریا بابەتێ وی بکەن، بەلێ کەسێ خوە لێ نەکریە خودان و گوتژی، ئەز هیڤیەکێ بخوە چێدکەم و دلێ من ب ڤی باژێری و فەرمانبەریا من و موچەیێ من خۆش بیت، بو جارەکێ ژی بیت، ئەز موچەیێ خوە ببەم مال و بو دایبابێن خوە یێن دانعەمر و نەخوش، خوشک و برایێن خوە یێن بچوک ب مەزیخم، قەرێن من ژ دەفتەرەکێ یێن بوری و هەر پارچەک یا هندەک کەسایە.
دنوکە دا بزاڤێن خورت دکەت بو هندێ خوە بگەهینیتە کەسەکێ و چارەسەریا ئاریشا وی بهێتەکرن، خوە ئەگەر ب دانا قەر و قستێن وی بیت قەر ژی، ژبەرکو ئەو ناخوازیت پارێ کەسێ بخوت و شەرمەزارێ دلسوزی و وەفاداریا خەلکی بیت ل گەل وی.