دەمەکێ کێم بەری نوکە، ب ئەگەرێ بوردمانەکا تورکیا ل سنورێ ناحیا شێلادزێ، وەلاتیەک شەهیدبوو و بریندار ژی هەنە.
سامی ریکانی، وەلاتیەکێ شێلادزێ یە دیارکر کو ب ئەگەرێ بوردمانەکا تورکیا شەهید و بریندار هەنە و گوت، بوردمان ل سنورێ گوندێ حاستو ژوری ل نزارێ زێبارێ ل ناحیا شێلادزێ هاتیەکرن، ئەوێ شەهیدبوی گەنجەکێ 30 سالی یە بناڤێ ئوسمان رژدی مروانسی رێکانی و خەلکێ کومەلگەها سیریێ یا سەر ب ناحیا شێلادزێ یە، بەحس دهێتەکرن کو دبیت بریندار ژی هەبن ل گەل وی. ژبەرکو خەلکی سپێدێ دیتنە کو چوینە نێزیک خاستو و ئەو گەنجە ب تنێ نەبویە.
زێدتر گوت، د نوکە دا هژمارکا زور یا خەلکی چوینە گوندێ خاستو ۆ هندێ تەرمێ وی گەنجی بزڤرینن ڤە.
هەر ئەڤ سالە د هەیڤا سێ دا، دوو گەنجێن گوندێ دێویکێ ژی ژلایێ تورکیا هاتنە شەهیدکرن کو دناڤبەرا خاستو و دێویکێ تنێ کێومەترەکە.
هژمارا شەهید و بریندارێن بوردمانێن تورکیا ل سنورێ ناحیا شێلادزێ ژ سەد کەسان بوری و روژانە بوردمان ل سنورێ ناحیێ دهێتەکرن.