ئەمڕۆ پێنجشەم، نرخی زێڕ دابەزینێكی سەرەتایی بەخۆیەوە بینی، دوای ئەوەی گەیشتە بەرزترین ئاستی نرخ لە مێژوویدا، ئەم دابەزینەش بەپێی توێژەرانی ئابووری، پێوەستە بە هەڵبژاردنی سەرۆكایەتیی ئەمەریكاوە.
لە بازاڕەكانی جیهاندا، بە ڕێژەی 0.7% زێڕ دابەزی و نرخی مسقاڵێك گەیشتە 2766.59 دۆلار، ئەمەش دوای بەرزبوونەوەی پێوانەیی ڕۆژی چوارشەم كە مسقاڵێك گەیشتبووە 2790.15 دۆلار، واتە لە ماوەی ئەم مانگەدا 5% بە بەراورد بە مانگی ڕابردوو نرخەكەی بەرز بووەوە كە درێژەپێدەری چوار مانگی لەسەر یەكی بەرزبوونەوەی نرخی زێڕ بوو.
هەروەها هەر ئەمڕۆ، گرێبەستە ئەمەریكییەكان بە ڕێژەی 0.8% دابەزی و بۆ هەر مسقاڵێك گەیشتە 2777.20 دۆلار، ئەمەش زیاتر دەیسەلمێنێت كە هەڵبژاردنی سەرۆكایەتیی ئەمەریكا كاریگەری لەسەر ئەم دابەزینە هەبووە.