شەوی ڕابردوو چەكدارانی داعش لە چەند شوێنێكی عێراقدا، هێرشیان كردە سەر سوپای عێراق و حەشدی شەعبی، بەهۆیەوە ژمارەیەك كوژراو و برینداری لێ كەوتەوە.
ئەمڕۆ شەموو 16ـی ئایار،
دەستەی حەشدی شەعبی بڵاوی كردووەتەوە، شەوی ڕابردوو هێزەكانی حەشد هێرشێكی چەكدارانی داعشیان تێكشكاندووە.
چوار چەكداری لیوای 23 كوژراون و شەشی تریش بریندار بوونە
ڕوون كراوەتەوە، لەو هێرشەدا چوار چەكداری لیوای 23 كوژراون و شەشی تریش بریندار بوونە.
خانەی ڕاگەیاندنی جەنگی بڵاوی كردووەتەوە، بەهۆی هێرشی چەكدارانی داعشەوە بۆ سەر بازگەی شێخ ئیبراهیم لە شارۆكەی دوجەیلی باشووری پارێزگای سەڵاحەدین، كارمەندێكی پۆلیس كوژراوە و یەكێكی تریش بریندار بووە.
هێرشەكانی داعش لە ناوەڕاستی عێراق زیادی كردووە، بەجۆرێك هەموو شەوێك هێرش دەكەنە سەر هێزەكانی عێراق، لە سنوورەكانی دیالە و مووسڵیش بەشێك لە گوندەكانیان گرتووە و گەنمی جووتیارانیش دەسووتێنن.