ماوەی دوو رۆژە چالاكێكی كۆمەڵگەی مەدەنی لە خانەقین، لەلایەن پۆلیسەوە دەستبەسەر كراوە تەنیا بە هۆكاری ئەوەی هێزە تەناهییەكان و میلشیاكانی وا وێنا كردووە كە توانای پاراستنی دۆخی تەناهیی خانەقین و ناوچە كوردستانییەكانیان نییە.
ئەمیر عەلی وەك چالاكێكی مەدەنی، بە "وشە"ی راگەیاند، سالم داوود چالاکی مەدەنی كە خەڵكی خانەقینە، رەخنەی توندی لە پەرلەمانتاران و ئەندامانی ئەنجوومەن و بەرپرسان و میلیشیاكانی حەشدی شەعبی گرتووە دەست بەسەر كراوە.
ئەو چالاكە هەڵگری ناسنامەی بەریتانیە
روونیشی كردەوە، ئەو چالاكە هەڵگری ناسنامەی بەریتانیە و پەرۆشی و خۆشەویستی ئەو بۆ ناوچەكەی وای كردوە لەخانەقین بمێنێتەوە، بەڵام دوو شەوە لەلایەن پۆلیسەوە لەسەر ئەو پۆستەی فەیسبووكی گیراوە.
هاوكات رۆشنبیران و چالاكانانی خانەقین، هەڕەشەی هەڵوێست وەرگرتن دەكەن و داواكارن هەرچی زووە سالم داود ئازاد بكرێت.
گەرمیان/ سەبری هۆرێنی