ده‌مه‌كێ كێم به‌رى نوكه، ته‌رمێ وه‌لاتیه‌كێ نه‌ناسیار د رووبارێ زێى مه‌زن ل گوندێ هلورا یا سه‌ر ب ناوچه‌دارییا شێلادزێ هاته دیتن.
ژێده‌ره‌كێ ل شێلادزێ بۆ " وشه" گۆت، پشكه‌ك ژ وان كه‌سێن لێگه‌ریانێ بۆ ته‌رمێ ئه‌و گه‌نجێ پێنج رۆژه ل شێلادزێ كه‌فتیه د روبارێ زێى مه‌زن دا و خه‌ندقى دكه‌ن، ته‌رمه‌كێ نه‌ناسیار ل رووبارێ زێى مه‌زن دیت.
زێده‌تر گۆت "ئه‌و ته‌رم نه ئه‌و گه‌نجه یێ ل شێلادزێ كه‌فتیه د رووبارى دا، به‌لكو كه‌ڤنه و هه‌موو پیچ بویه، ته‌رم ل سه‌ر لێڤا رووبارێ زێى مه‌زن ل گوندێ هلورا یا سه‌ر ب ناوچه‌دارییا شێلادزێ هاتیه دیتن"
ب گوره‌ى ئاخفتنێن ئه‌وى ژێده‌رى، هه‌تا نوكه ئه‌و ته‌رم ل وێرێ یه و كه‌سێ نه‌راكریه و گۆت ژى "دخوازین جهێن شوله‌ژێ ئه‌وى ته‌رمى ل وێرێ راكه‌ن و راده‌ستى ئاخێ بكه‌ن ئه‌گه‌ر خودان لێ په‌یدا نه‌بوو ژبه‌ركو ده‌مه‌كه مرى و نه‌یێ ناسیاره و چوو ناسنامه و تشت ژى ل گه‌ل نینن"
ئه‌ڤ ساله ل سنوورێ پارێزگه‌ها دهۆكێ 11 كه‌س د ئاڤێن رووبار و به‌نداڤان دا خه‌ندقینه، هه‌تا نوكه ته‌رمێ دوو كسان ل زاخۆ و شێلادزێ نه‌هاتینه دیتن.