رێڤەبەرییا گشتی یا ساخلەمیا پارێزگەها دهۆكێ دیاركر كو چور تووشبوویێن دی یێن ڤایرۆسا كۆرۆنایێ (كوڤید -19) ل پارێزگەها دهۆكێ چاكبوون و ل نەخۆشخانێ هاتنە دەرئێخستن، بڤێ یەكێ هژمارا چارەسەربوویان گەهشتە 92 كەسان.
هەتا نوكە 92 تووشبوو چاكبوینە
حەمزە رەزیكی، بەرپرسێ راگەهاندنا ساخلەمیا پارێزگەها دهۆكێ بۆ "وشە" گۆت، هەشت تووشبوویێن دی یێن ڤایرۆسا كۆرۆنایێ (كەڤید - 19) ل پارێزگەها دهۆكێ چارەسەر بوون .
زێدەتر گۆت "پشتی چەند رۆژان ماینە ل بن چاڤدێریا نوژداری دا و پشكنین بۆ هاتینەكرن، چارەسەربوین، ب سلامەتی ل نەخۆشخانێ هاتنە دەرئێخست"
ل سنوورێ پارێزگەها دهۆكێ 133 كەس تووشی كۆرۆنایێ بوینە، هەتا نوكە 92 تووشبوو چاكبوینە و 44 تووشبوو ژی ل ژێرچاڤدێریا نوژداری دان.