"وشە" ده‌زگایه‌كی رۆژنامه‌وانيی سەربەخۆیە لە هەرێمی كوردستان.
ژمارەیەك رۆژنامەنووس لەو پڕۆژەیەدا بە ئینتیما و بۆچوونی سیاسیی جیاوازەوه كۆ بوونەتەوە، بە مەبەستی خزمەتگەیاندن بە دیموكراسی و فراوانكردنی ئازادییەكان و گەیاندنی زانیاری بە هاووڵاتییانی كوردستان.
www.wishe.net ماڵپەڕی هەواڵیی ده‌زگاكه‌یه و بەردەوام نوێ دەكرێتەوە و هەوڵ دەدات بە سوودوەرگرتن لە توانای پەیامنێر و رۆژنامەنووسەكانی، بە باشترین شێوە و پیشەییانە زانیارییەكان بگەیەنێت بە خوێنەر.
رۆژنامەی "وشە" هەفتەنامەیەكی سیاسیی گشتیی ده‌زگاكه‌یه و رۆژی چوارشەم بە 20 لاپەڕە دەردەچێت، هەموو بابەتەكانی بەدواداچوون و ریپۆرتاژ و چاوپێكەوتنی رۆژنامەوانین لە بوارەكانی سیاسی، ئابووری، رۆشنبیری و هونەر و بابەتی سەرنجڕاكێش.
ئەو رۆژنامەیە مەبەستیەتی پرسەكانی ناو كۆمەڵگە بە زانیاری رۆژنامه‌وانی و پیشه‌یی بڵاو بكاتەوە بۆ خوێنەرانی.
كتێبی وشه/ پرۆژه‌یه‌كی نوێی ده‌زگاكه‌یه و ناو به‌ناو به‌رهه‌می نووسه‌ر یاخۆ رۆژنامه‌نووسێك ده‌ستنیشان ده‌كات بۆ چاپ و به "زنجیره‌ی كتێبی وشه" ژماره‌ی پێ ده‌دات و له هه‌موو كوردستان بڵاوی ده‌كاته‌وه.
خاوەن ئیمتیاز و سەرنووسەر
سەرباز ساڵح