ب ههلكهفتا دهربازبوونا حەفت سالان ل سهر جینوسایدا شنگالێ، ئهڤرۆ شاندهكێ لیژنا بلند بوو ناساندنا جیونوسایدا شنگالێ ل سهر ئاستێ حوكمهتا ههرێمێ ب سهروكاتیا رێبهر ئەحمەد، وهزیرێ نافخوە وب ئامادهبونا د.عەلی تهتهر، پارێزگارێ دهۆكێ سهرا نڤێسینگهها دهستهیا ڤهكولین وكومكرنا گروڤان وچارهسهریێ ل دهۆكێ دا و ژلایێ حاكم ئهیمهن، سهروكێ دهستهیێ و كارمهند وفهرمانبهرێن دهستهیی پێشوازی لێ هاته كرن .
پاش ههموو ب ههڤرا بو ماوێ خولهكهكێ بێدهنگ راوستیان وهكو رێزگرتن بو گیانێ قوربانیێن كارهساتا شنگالێ . .
دوژمنێن گهلێ كورد نه بتنێ جینوسایدا شنگال ئهنجامدایه بهلكو ب درێژیا دیروكی گهلهك تاوانێن بڤی رهنگی ل دژی مللهتێ كورد ئهنجامداینه
رێبەر ئەحمەد، وهزیرێ نافخوە یێ حوكمهتا ههرێما كوردستانێ دكونگرهكێ رۆژنامهڤانی دا کو پەیامنێرێ وشە ژی ئامادەبوو، دهست خوشی ل كار وچالاكیێن نڤێسینگههێ كر ههمبهر كومكرنا بهلگهنامهیێن جینوسایدا شنگالێ و سهرهخوشی ل كهس وكار وقوربانیێن كارهساتێ كرن وگوت: دوژمنێن گهلێ كورد نه بتنێ جینوسایدا شنگال ئهنجامدایه بهلكو ب درێژیا دیروكی گهلهك تاوانێن بڤی رهنگی ل دژی مللهتێ كورد ئهنجامداینه، حوكمهتا ههرێمێ ههموو ههوڵا ددهت كو ئێدی ئهڤ تاوانێن دژی مروڤایهتیێ نههێنه ئهنجامدان و ل سهر ئاستێ دهولهتی ژی ب جینوساید بهێنه ناساندن وتاوانبار ژی بهێنه سزادان وقوربانیێن كارهساتێ بهێنه قهرهبوكرن.
زێدتر گوت، ههموو كێم وكاسیێن دهستهیێ دێ بو سهروكێ حوكمهتا ههرێمێ بلندكهین و یا پێدڤی دێ هێته كرن، مه پێ باشه رێكهفتنا ئهمنی یا شنگالێ وهكو خوە بهێته بجهئینان وههموو هێزێن چهكدار یێن نه یاسایی ژ شنگال بهێنه ڤهكێشان و تهناهیا دهڤهرێ بهێته بهرقراكرن وئاڤهدانیا دهڤهرێ بهێته كرن وخزمهتگوزاری بهێنه دابینكرن دا ببیته هاندهرهك ئاواره ڤهگهرنه سهر جهـ و وارێن خوە.