مەروان داود، چالاکڤانێ ئێزدی، دەربارەی ئەو زارۆیێ بناڤێ مەیار کو ل تورێن جڤاکی هاتیە بەلاڤکرن و ب کورەکێ رەوشت بلند و خودان پەروەردەییەکا باش هاتیە بناڤکرن دبێژیت، ناڤێ وی مەیار سەیف رەشۆ، تەمەنێ وی 13 سالە و خەلکێ ناحیە سنۆنێ یە ل باکورێ شنگالێ، ژ سالا 2014 ـێ دا دەمێ هاتنە داعش ب مالبەتا خوە ئاوارەیی پارێزگەها سلێمانی بووینە و پێشتر بابێ وی شڤانێ پەزی بوو و کارێ جوتیاری دکر، بەری سالەکێ بابێ وی تووشی نەخوەشییا گولچیسکان دبێت و دکەڤێتە بنێ مالێ دا.
زێدەتر گوت، مەیارێ تەمەن 13 سالی قوتابیێ پۆلا پێنجێ بوو نەچار دبیت خواندنا خوە بهێلێت و ل سەر جادێ ئاڤێ بفرۆشێت، پشتی بەلاڤبوونا ڤیدیۆیەکێ و ژبەر تەربیەت و ڕەوشتێ بلند یێ مەیار سوشیال میدیا تژی دبێت ژ ئەوێ ڤیدیۆیێ، پاشی وەزیرێ پەروەردا هەرێما کوردستانێ ل گەل ڕێڤەبەرێ پەروەردا پارێزگەها سلێمانیێ سەردەدانا مالا مەیار دکەن و بریار دان دووبارە مەیار ل گەل برایێ وی ڤەگەرنە قوتابخانێ و ئەڤ سالا خواندنێ ژی ژ بۆ وان هاتە هژمارتن ، لگور گوتنا بابێ مەیات جێگرێ سەرۆکێ حکومەتا هەرێما کوردستانێ ب خوە ل گەل وی پەیڤی و سوز دا هەر چ تشتەکی پێدڤی ژ بۆ وان بکەن و خەلکێ ژی لدوویڤ پێچێبوونا خوە دەستێ هاریکاریێ ژ بۆ مالبەتە مەیار درێژکرن، مەیار گەلەک عەشقێ موزیک و سترانێ یە ب تایبەت تەمبوور و کەمان .
بەلاڤبونا وێنە و ڤیدیویێن وی ب تایبەتی ژلایێ جڤاکا ئێزدی ب نمونەکا بلند یا جوانی و رەوشت بلندی یا وی و دایکا وی دهێتە نیاسین.
مەیار ل گەل چوار ژ خوشک و برا و دایبابێن خوە ل سنورێ پارێزگەها سلێمانیێ دژین و بریارە پشتی دەستپێکرنا وەرزێ نوو یێ خواندنێ ئەو ژی ڤەگەریت قوتابخانێ.