دوێنێ بەهۆی گەڕانەوەی 25 خێزانی ئاوارەی عەرەبی سوننە بۆ شنگال ئاڵۆزی دروست بوو، كاتێك ئەندامێكی داعش لەناو ئاوارەكان ناسرایەوە، ئەوەش ئاڵۆزی دروست كرد و كەسانێك هێرشیان كردە سەر مزگەوتی رەحمان لە شنگال، بەو هۆیەوە دۆخی شارۆكەكە ئاڵۆزی بەخۆیەوە بینی، بەڕێوەبەرایەتی گشتی كاروباری ئێزیدیان روونكردنەوەیەكی لەوبارەوە دەركرد.
وەك لە روونكردنەوەكەدا هاتووە، ئەڤە دەمەكی درێژە دەڤەرا شنگال رۆژانە تووشی روودانێن نەخوازراو دبت، دیارە كو هەر كارەكی تێكدەرانە ل وێ دەڤەرێ ژبەر نەبونا رەوشا ئارامیێ یە ودیسان هەبونا هێزێن نەیاسایی هەموو كنارێن ژیانێ ئالۆزكرینە و ئەڤ چەندە ژی ژئەگەرێ سیاسەتا نەدروستە ژئالیێ حكومەتا عراڤێ ڤە.
ئەم ل رێڤەبەریا گشتی هەر جۆرە سڤكاتیەكێ ب هەر ئاینەكی بت شەرمەزار دكەین و داخوازێ دكەین هەر كەسێ ببتە ئەگەرێ لاوازكرن و تێكدانا رەوشا ئاراما هەرێما كوردستانێ ب گەهتە سزایێ خۆ یێ عادلانە.
هەموو جاران ئەم داكۆكیێ ل خۆ پێشاندانێن ئاشتیانە دكەین، لێ بێرێزی كرن ب هەر پیرۆزیەكێ نە ژرەوشتێ تاكێ ئێزدی یە، لەوا ئێزدی ڤان جۆرە كاران ناكەن و هێرش نەهاتیە كرن، چونكی ئەڤە چەندین سالان پشتی نەمانا داعش هەموو جهێن پیرۆز ییێن ئاینێن دەڤەرێ ژئالیێ ئێزدیان ڤە هاتینە پاراستن.
ئەم دووپات دكەین تاكە چاسەریا ڤێ رەوشا ئالۆز جێبەجێكرنا رێكەفتنا هەولێر و بەغدایە، دهەمان دەمدا ئەم دبینین هەر پۆستەكی دسۆشیال میدیا دا بەلاڤ بویی هەولا تێكدانێ یە و جەواشەكاریە بۆ لاوازكرنا ئاشتەوایا كۆمەلایەتی و سەقامگێریا دەڤەرێ و ڤێ چەندێ ئەم ب تووندی شەرمەزار دكەین.
جارەكادی داخوازێ ژ هەموو لایەكی دكەین كو هندەك تێكدەر هەنە دخوازن دەرزەكێ بێخنە وی دیوارێ كوردستانێ ئاڤاكری بۆ هندێ هەموو پێكهات ب مافێن خۆ شادببن و ئەم ل وێ باوەریێ نە كو خەلكێ مە ئی هوشیاری ڤان پلانێن نەحەزایە.