ئەمشەو بوومەلەرزەیەك كەلاری لە گەرمیان هەژاند و بە تەواوی لەلایەن دانیشتووانی گەرمیان و بەتایبەت كەلارەوە هەستی پێ كرا، شارەزایەكی كەشناسیش گووڕی بوومەلەرزەكە ئاشكرا دەكات و هاوكات رای دەگەیەنێت كە چەقەكەی شارەدێی رزگاری بووە لە گەرمیان.
ئەمشەو سێشەم 30ی تەمووزی 2024، سیروان ساڵح شارەزای كەشناسی و بوومەلەرزەزانی لە تۆڕی كۆمەڵایەتیی خۆی بڵاوی كردەوە، بوومەلەرزەیەك لە سەعات 10:46ی شەو لە نێوان كەلار-كفریدا رووی داوە.
شارەزایەكە روونی كردووەتەوە، گوڕی بوومەلەرزەكە 4.2 پلەی رێختەر بووە و لە قووڵایی 10 كیلۆمەتری ژێر زەوی رووی داوە.
شارەزاكە لەبارەی چەق و شوێنی دیاریكراوی بوومەلەرزەكەوە روونی كردووەتەوە، كە لە هێڵی بازنەی پانی 34.65° پلە باکور و هێڵی درێژی 45.24° پلە خۆرهەڵات و لە دووری هەشت کیلۆمەتر لە سەنتەری کەلار بوومەلەرزەكە رووی داوە.