دەمێ چەندین سالایە سەرپێچی ژلایێ ترومبێلێن بیانی ئەوێن دهێنە کوردستانێ دهێنەکرن و گیانێ وەلاتیان کریە د مەترسیێ دا، ب گورەی نوترین بریار ترومبێلێن بیانی ژی دێ کەڤنە بەر سزایێن هاتن و چونێ
ئازاد تەها، بەرپرسێ راگەهاندنا رێڤەبەریا هاتن و چونا دهۆکێ دیارکر کو بریارەکا نوو بو وان ترومبێلان هاتیە یێن ل دەرڤە دهێنە هەرێما کوردستانێ و گوت، ب گورەی بریارا نو کو ژلایێ وەزارەتا نافخو یا حوکمەتا هەرێما کوردستانێ هاتیە دەرکرن و گشتاندن بۆ رێڤەبەریێن هاتن و چونێ ل هەریما کوردستانێ هاتیەکرن، هەر ترومبێلەکا بیانی ب هەر مەرەما بیت بهێتە کوردستانێ دێ کەڤنە بەر سزایێن هاتن و چونێ ل دەمێ ئەنجامدانا سەرپیچیان.
زێدەتر گوت، روژا 1ێ ئەڤێ هەیڤێ وێفە هەر ترومبێلەکا گەشتیاری یان بازرگانی یا بیانی چ تورکی بیت یان ئەوروپی یان هەر وەلات و جهەکێ ل دەمی ڤەگەریانا وان برێیا هەموو خالێن سنوری و گومرکێ بو ژ دەرڤەێ هەریما کوردستانێ پێدڤی یە سزایێن ترافیکی یێن ژلایێ وانڤە هاتنە ئەنجامدان ل جادە و ریک و بان بدەن، بریار وان ترومبێلا ناگریت یین سەرپێچی بەری 1ێ هەیڤا هەشت یا ئەڤ سالە کرین.
سالانە ب رێیا ترومبێلێن بیانی چەندین روودانێن هاتن و چونێ ل هەرێما کوردستانێ و پارێزگەها دهۆکێ دروستبوینە و خەلک بویە قوربانی، ئەڤ سزا دێ هەڤسەنگیەکا باشتر دەت جادەیێن کوردستانێ.