هەکە بهێین وبەرێ خۆ بدینە دیرۆکا مللەتێ مەیێ ئێزدی بدرێژاهیا دیرۆکێ و ل شنگالێ تایبە دێ بینین کو ژبلی بڕێڤەبرنا کارێن ناڤ مالێ ئافرەتێ مل بملێ زەلامی کار وخەبات وبزاڤ وچالاکی گێراینە ژسەر دەمێ بەرێ هەتا گەهشتیە قۆناغێن نوو وپێشکەفتی.
هەروەسا ژهەلگرتنا چەکی ژی بێ بەهر نەبویە وبەشداریکرن وێ دشەر وجەنگان دا وبەرەڤانی کرنا وێ ژکەرەمات و ئاخ و وەلاتێ خۆ کریە دهەمی شورەش وسەرهلداناندا ، لەوا گرنگە بێژین کو ڕۆلێ ئافرەتێ چ جاران ژڕۆلێ زەلامی کێمتر نەبویە
پشتی فەرمانا شنگالێ یا سالا 2014 ێ کو بهزاران کەچ وژن ژلایێ داعشڤە هاتنە گڕتن کوشتن وبەدیل فرۆتن ومەرەما وان ئەوبو کو مللەتێ ئیزدی بڕێیا ئافرەتێ تنە بکەن لێ سەرەڕایی ڤان هەمو نەخۆشیان جارەکە دن وەکە هەر جارێت بۆری کارینە خۆ لبەر ڤان نەخۆشی و ئازاران بگرن بەلگو کارینە بشێوەێەکی بهێزتر وڤیانتر خۆ دگەل بارێ ژیانێ بگونجینن و بجەنگن نها پتریا ئافرەتێن شنگالێ دبوارێن هەمەجۆر دا کاردکەن و دگەلەک جهـ و دەزگەهاندا جهێن خۆ گرتینە مینا پەرلەمان وڕاگەهاندن و نەخۆشخانە و قوتابخانە و چەندین جهێن دیتر .....
عەدلە بەکر