ده‌مه‌كێ كێم به‌ری نوكه پارێزگارێ دهۆكێ سه‌رپه‌رشتییا كۆمبوونا لژنا بلند یا دووڤچۆنا زێده‌گاڤییان كر، د كونگره‌یه‌كێ رۆژنامه‌ڤانی دا دیار كر كو هه‌ر وه‌ڵاتییه‌كێ خانی ب زێده‌گاڤی دروستكری بلا سه‌ره‌دانا یه‌كه‌یێن كارگێری بكه‌ن داكو بهێنه تاپوكرن.
هه‌تا روژا 10 جریا ئێكێ 2020 داخازیێن خوه پێشكێش بكه‌ن بو برێڤه‌برنا ماملێن تاپوكرنێ
عه‌لی ته‌ته‌ر پارێزگاری دهۆكێ د كونگرێ رۆژنامه‌ڤانیدا دیاركر كۆ دڤێت سه‌ره‌ده‌ری ب گوره‌ی یاسا و رێنمایێن حكوومه‌تا هه‌رێما كۆردستانێ ل گه‌ل هه‌ر زێده‌گاڤییه‌كێ بهێته كرن و یاسا سه‌روه‌ر بیت و گۆت؛ ب چوو ئاوایی نابیت چاڤ پوشی بهێته كرن و فشارێن چ كه‌س ولایه‌نان نه‌هێنه قه‌بوولكرن و هه‌موو زێده‌گاڤی ب دادی و راستگویێ و ب گوه‌ری قانوونێ بهێنه چاره‌سه‌ركرن و تاپوكرن.
زێده‌تر گۆت "هه‌ر خانییه‌كێ ژ رێكه‌فتی 13ێ ئادارێ 2018 ب زێده‌گاڤی هاتییه ئاڤاكرن بلا خودانێن وان سه‌ره‌دانا یه‌كێن ئیداری و لژنێن زێده‌گاڤییان ل قایمقامیێن قه‌زا بكه‌ن و ده‌لیڤه بۆ هه‌یه هه‌تا روژا 10 جریا ئێكێ 2020 داخازیێن خوه پێشكێش بكه‌ن بو برێڤه‌برنا ماملێن تاپوكرنێ، داخوازێ ژ سازیێن پێوه‌ندیدار دكه‌ین كو هه‌موو ئاسنكاری بو هاوولاتییان دچارچوڤێ قانوون و رێنمایێن حكوومه‌تا هه‌رێما كوردستانێ دا بهێنه كرن بو تاپوكرنا خانیێن ب زێده‌گاڤی هاتینه ئاڤاكرن"
ل بار تاپۆكرنا خانیێن كومه‌لگه‌هێن زۆره‌ملی، پارێزگارێ دهۆكێ گۆت "نوكه ئه‌م یێ كاری ل سه‌ر بابه‌تێ وان ژی دكه‌ین و ب رێیێن قانوونی دێ هێته چارسه‌ركرن وخه‌لكه‌كێ زۆر دێ مفای ژێ وه‌رگریت"
ب گوره‌ی ئامارێن نه‌فه‌رمی نێزیكی 25 هزار خانیێن زێده‌گاڤی ل سه‌رانسه‌ری پارێزگه‌هێ هه‌نه و پشتی یاسایا تاپوكرنێ دكه‌ڤیته دبیاڤێ بجهئینانێ دا ژماره‌كا زۆر یا خه‌لكی دێ مفاداربن وخانیێن وان دێ هێنه تاپوكرن.