ده‌مه‌كێ كێم به‌ری نوكه د كونگره‌یه‌كێ رۆژنامه‌ڤانیدا، پارێزگارێ دهۆكێ 25 پرۆژێن جودایێن خزمه‌تگۆزاری راگه‌هاندن، به‌رپرسه‌كێ سندووقا گه‌شه‌پێدانا جڤاكی یا عێراقی ژی بو "وشه" هنده‌ك هوركاریێن پرۆژان دیار دكه‌ت.
25 پرۆژه دێ بو 10 گوندان هێنه دروستكرن
عه‌لی ته‌ته‌ر پارێزگارێ دهۆكێ د كونگره‌یه‌كێ رۆژنامه‌ڤانیدا دیاركر كو ئه‌ڤرۆ ئه‌و ل گه‌ل به‌نكا نیڤده‌وله‌تی و سندووقا گه‌شه‌پێدانا جڤاكی یا عێراقێ كومبوون ل بارا پێشكێشكرنا هژماره‌كا پرۆژێن خزمه‌تگۆزاری ل پارێزگه‌ها دهۆكێ و گۆت، "25 پرۆژه دێ بو 10 گوندان هێنه دروستكرن، پرۆژه ژی جوراوجورن و دێ ب گوره‌ی داخوازیێن هه‌لبژێر و جڤاتێن گوندان بن و لژنه‌ك بو دوڤچوون و سه‌رپه‌رشتیكرنا وان پرۆژان هێته پێكئینان و ل ڤان روژان ده‌ست پێ كه‌ت".
زێده‌تر گۆت "كوژمێ هه‌موو پرۆژان سێ ملیار دیناره و پرانیا وان دێ ل به‌رده‌ره‌ش و شێخان و زاخۆ و ئامێدیێ هێنه چێكرن، ئه‌ڤ پرۆژه دێ هه‌تا پێنج سالان به‌رده‌وام بیت و ره‌نگه هه‌تا نێزیكێ 100 گوندان مفاداربن"
هه‌وار ته‌ها سه‌رپه‌رشتێ سندووقا گه‌شه‌پێدانا جڤاكی ل عێراقێ بۆ "وشه" گۆت، پرۆژه جوراوجۆن به‌لێ پرانیا وان دێ چێكرنا ریێین گوندان و خزمه‌تگۆزاری بن بۆ گوندان.
زێده‌تر گۆت "ئه‌ڤ پرۆژه ژلایێ به‌نكا نیڤده‌وله‌تی و سندووقا گه‌شه‌پێدانا عێراقی، ب هه‌ڤكارییا پارێزگه‌ها دهۆكێ هێنه چێكرن، چێكرنا پرۆژان ژی دێ قه‌ربیت و دێ د چه‌ند قوناغاندا هێنه چێكرن، بچووكترین پرۆژه دێ كوژمێ وێ 20 هزار دۆلار بیت و مه‌زنترین پرۆژه ژی كوژمێ 300 ملیۆن دیناران بیت، د قوناغا ئێكێدا دێ پرۆژه بۆ 10 گوندێن ده‌ڤه‌رێن جودایێن پارێزگه‌ها دهۆكێ هێنه چێكرن"