بریاره ئهڤرۆ مهسرور بارزانی، سهرۆكێ حوكمهتا ههرێما كوردستانێ، سهرهدانا دهڤهرا ئامێدیێ بكهت بۆ دانانا بهرێ بناغهی بۆ چهند پرۆژان ژ وانان دانانا بهرێ بناغهی بۆ نهخۆشخانهكا 100 تهختی ل دهڤهرێ.
بریاره سهرۆك وهزیران گوتارهكێ پێشكێش بكهت
ب گورهی پێزانینێن وشه، كو ژ جهێن شولهژێ ل دهڤهرێ وهرگرتیه، بریاره ئهڤرۆ مهسرور بارزانی، سهرۆكێ حوكمهتا ههرێما كوردستانێ و پارێزگارێ دهۆكێ و چهند بهرپرسهكێن دام و دهزگههێن حوكمی، ژ نێزیك سهرهدانا دهڤهرا ئامێدیێ بكهن بۆ دانانا بهرێ بناغهی بۆ چهند پرۆژان.
ئێك ژ وان پرۆژێن ستراتیجی و گرنگ كو دێ دناڤبهرا ناوچهداریێن شێلادزێ و دێرلووكێ ل نێزیك كومهلگهها هێتوت هێته نهخۆشخانا 100 تهختی یه و سهرۆك وهزیران دێ بهرێ بناغهی بۆ دانیت.
رێورسمێن دانانا بهرێ بناغهی دهمژمێر 12:30ێ پشتی نیڤرۆ دهست پێ كهن و بریاره سهرۆك وهزیران گوتارهكێ پێشكێش بكهت
نهخۆشخانا 100 تهختی ل سالا 2013 بهرێ بناغهی بۆ هاتبوو دانان و نێزیكێ 10% هاتبویه چێكرن ژی، بهلێ ژ ئهگهرێ قهیرانا دارایی و شهرێ داعش هاتبویه راگرتن، ئهڤرۆ دووباره دێ بهرێ بناغهی هێتهدانان و دهست ب چێكرنا وێ هێتهكرن.
جهێ ئاماژه پێكرنێ یه چێكرنا نهخۆشخانا 100 تهختی دێ مفای گههینیته خهلكێ دهڤهرا شێلادزێ، دێرهلووك و ئامێدیێ و پشكهكا دهڤهرا بارزان، دبیته ئێكهم نهخۆشخانهیا ژ ڤی جوری ل دهڤهرا ئامێدیێ.