دهمهكێ كێم بهری نوكه بالهفرێن توركیا دوو جهـ ل سنوورێ دهڤهرا ئامێدیێ یا سهر ب پارێزگهها دهۆكێ بۆردمان كرن، بهلێ ههتا نوكه زیان نههاتینه زانین.
زڤرینا بالهفرا بهردهوامه و ترس ل دهڤ خهلكێ دهڤهرێ پهیداكریه
ب گورهی ژێدهرێن نافخوه كو دهست (وشه) كهفتنه، دهمهكێ كێم بهری نوكه بالهفرێن توركیا سنوورێ ههر ئێك ژ گوندێ بازێ یا سهر ب ناوچهدارییا كانی ماسێ ل باكوورێ دهڤهردارییا ئامێدیێ و گوندێ رهزیكێ یا سهر ب ناڤهندا باژێرێ ئامێدیێ ژلایێ بالهفرێن توركیا هاتنه بۆردمان كرن.
ژبهركو زڤرینا بالهفرا بهردهوامه و ترس ل دهڤ خهلكێ دهڤهرێ پهیداكریه، ههتا نوكه زیانێن بۆردمانان نههاتیه زانین، بهلێ بۆردمان دناڤبهرا دوو بۆ چوار كیلومهترا ل دهڤهرێن ئاڤهدانی دوربوویه و زیان ب ژینگههێ گههاندیه.
ئهڤ ساله پتری 200 جاران سنوورێ پارێزگهها دهۆكێ ژلایێ بالهفرێن توركیا هاتیه بۆردمان كرن، د ئهنجام دا شهش وهلاتی هاتنه شههیدكرن و دوو ژی برینداركرن، ملیونان دولار زیان ب ژینگه و رهز و باغ و گوندهوارێن دهڤهرێ گههاندیه.