عوبەیدوللا دود، رێڤەبەرێ گشتێ گەشتوگۆزارا پارێزگەها دهۆکێ بۆ "وشە" گوت، ئەڤرۆ وێڤە رێیا دناڤبەرا پارێزگەها دهۆکێ و باژێرێ مووسل و پارێزگەهێن ناڤەڕاست و ژێریا عیراقێ دا، ل هەمبەر هاتنا وان گەشتیارێن ب ترۆمبێلێن خوە یێن تایبەت دهێنە د ناڤ پارێزگەها دهۆکێ دا هاتە ڤەکرن.
ل زالگەهان پشکنینا کۆرۆنایێ بۆ گەشتیاران ناهێتەکرن
رێڤەبەرێ گشتێ گەشتوگۆزارا پارێزگەها دهۆکێ گوت، هەتا نوکە چ بڕیار بۆ هاتنا گرۆپێن گەشتیاری یێن ب رێیا کۆمپانیان و پاسێن مەزن دهێنە دناڤ پارێزگەها دهۆکێ دا نەهاتینەدان، ئەم وەکو رێڤەبەریا گشتی یا گەشت و گۆزارێ ل پارێزگەها دهۆکێ بەردەوام ل گەل جهێن پەیوەندیدار دێ کارکەین بۆ وێ چەندێ رێک ل هەمبەر هاتنا گرۆپێن گەشتیاری ژی بهێتە ڤەکرن وەکو خزمەتەک بۆ پێشڤەچوونا کەرتێ گەشت و گۆزارێ ل پارێزگەها دهۆکێ".
زێدەتر گوت " ل زالگەهان پشکنینا کۆرۆنایێ بۆ گەشتیاران ناهێتەکرن بتنێ دێ ئیقامە بۆ هێتە چێکرن"